Киллэм (Тулагы-Киллэм нэһилиэгэ)

Киллэм — Тулагы-Киллэм нэһилиэгин нэһилиэнньэлээх пууна.

Туймаада хочотугар Өлүөнэ өрүс уҥа кытылыгар, Дьокуускай кииниттэн хоту 31 км сиргэ, Тулаҕы сэлиэнньэтиттэн 5 км сиргэ баар.

ОКАТО кода	Почта индексэ	ФНС инспекциятын кода	UTC
98 401 812 004	677906	1447	+10

Устуоруйаҕа

1883 с. Киллэм сэлиэнньэтин быһыытынан Дьокуускайтан от биэрэстэлээх сиргэ Киллэм үрэх уонна Нидьили күөл кытылларыгар олохтоммута. Олохтоохторо сахалар этэ. Сүөһү иитэллэрэ, булдунан дьарыктаналлара. Кэлин Нам улууһуттан Таастаахтан көспүт нуучча скопецтара олохсубуттара.

19 үйэҕэ Мардьай диэн сиргэ бурдук ыһыытынан дьарыктанар нуучча бааһынайдара олохсубуттара.

1922 сыллаахха ыам ыйын 21 күнүгэр кыһыллар уонна үрүҥнэр ыккардыларыгар Киллэмнээҕи кыргыһыы буолбут, үрүҥнэр кыайтарбыттар.

Тэрилтэлэрэ

Оскуола 1913 сыллаахха аһыллбыт. Кумахтаахха сыаркап баара.

Билигин олохтоохторо үгүстэрэ ынах сүөһү, сылгы иитэллэр, оҕоруот ыһаллар, хортуоска үүннэрэллэр.

Кулууп, балыыһа уонна маҕаһыыннар бааллар.

Суола-ииһэ

Сэлиэнньэ сиринэн Дьокуускай — Нам массыына суола ааһар (а/д «Нам», 98 ОП РЗ 98К-005).

Дьокуускайтан «Автовокзал — Киллэм» № 105 оптуобуһунан куорат автовокзаалыттан айанныахха сөп. Оптуобус 1 чаас 20 мүнүүтэ кэриҥэ айанныыр.

Өссө маны көр

Сигэлэр

Официальный сайт Тулагино-Кильдямского наслега Архыыптаммыт 2013, Олунньу 8 күнүгэр.

Бу Дьокуускай географиятыгар сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп.