Йенер Ханде

Бикипиэдьийэ диэн сиртэн ылыллыбыт
Перейти к навигации Перейти к поиску

Ханде Йенер (туур. Hande Yener; 1973 сыллаахха тохсунньу 12 күнүгэр төрөөбүтэ, Турция, Стамбул куорат) — турок биллэр ырыаһыта уонна ырыа айааччыта. Кини турок эстрадатыгар поп муусука жанрыгар ураты уонна сонун истиили киллэрбитэ уонна ол түмүгэр олус түргэнник Турция биллиилээх артыыһа, эстрадатын сулуһа буолбута.

Карьерата[уларыт | биики-тиэкиһи уларытыы]

Ханде Йенер карьерата турок артын даҕаны биллилээх артыыстарын курдук Сезен Аксу ырыаһыта, ырыа айааччыны уонна продюсеры кытта билсиһииттэн саҕаламмыта. Кинилэр 1992 сыллаахха аһы үөлү, араас табаары атыылыыр маҕаһыыҥҥа билсибиттэрэ. Оччолорго Ханде Йенер ол маҕаһыыҥҥа атыыһыттыыр этэ. Сотору буолан баран Сезен Аксу эдэр, дьоҕурдаах дии санаабыт кыыһын бэйэтин хамандаатыгар уонна бөлөҕөр бэк воколист быһыытынан ыҥыран ылбыта. Ону таһынан, Хенде Йенер Сезен Аксуга көмөлөһөөччүнэн үлэлээбитэ.

Ханде аан бастакы тус, соҕотохтуу ыылыыр альбомун «Senden ibaret» (Барыта эн туһунан) диэн ааттаан 200 сыллаахха оҥорон таһаарбыта. Иккис альбома «Sen Yoluna Ben Yoluma» диэн ааттааҕа. Ол альбом 2001 сыллаахха күн сирин көрүтэ. Даҕатан эттэххэ, Ханде ити курдук ааттаах биллэр ырыалаах.

2004 сыллаахха Ханде Йенер «Aşk Kadın Ruhundan Anlamıyor» диэн ааттаах үһүс альбомун таһаарбыта. Ол альбомҥа алта бастыҥ, хит буолбут ырыата киирбитэ. Альбом тахсыбытын кэннэ Хандены араас омук дьоно кыралаан билэр буолан барыттара. Ол гынан баран, Ханде Йенер төһө даҕаны ситиһиилэннэр, 2006 сыллаахха аатын-суолун, имиджин уларытарга санаммыта уонна ол сыл европоп хайысхатынан уһуллубут өсө биир ырыаларын альбомун таһаарбыта. Аата «Apayri» (Букатын атын) диэн этэ.

Дискографията[уларыт | биики-тиэкиһи уларытыы]

  • Senden İbaret (2000)
  • Sen Yoluna... Ben Yoluma... (2002)
  • Aşk Kadın Ruhundan Anlamıyor (2004)
  • Apayrı (2006)
  • Nasıl Delirdim? (2007)
  • Hipnoz (2008)
  • Hayrola? (2009)
  • Hande'ye Neler Oluyor? (2010)
  • Teşekkürler (2011)
  • Kraliçe (2012)
  • Mükemmel (2014)
  • Hepsi Hit (2016)

Бэлиэтээһиннэр[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]