Ильин Василий Тихонович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Ильин Василий Тихонович (Күүстээх Ильин) (1924-2005 сс.) – хапсаҕайдаһан тустууга САССР спордун маастара.

Ситиһиилэрэ[уларыт | биики-тиэкиһи уларытыы]

Кини 1952,1955,1959 сылларга хапсаҕайдаһан тустууга Саха сиригэр II-с миэстэлэммитэ, 1969 с. Манчаары оонньууларыгар 80 кг тустан, Василий Корякин, Егор Горохов курдук күүстээх тустууктары охтортоон, чемпион үрдүк аатын ситиспитэ. Василий Тихонович Саха сирин араас сылларга чемпионнарын: Роман Петуховы, Владимир Ефремовы, Егор Прокопьевы, Айаан Попову кытта тэҥҥэ эриспитэ, сороҕор охтон, ардыгар бэйэлэрин бүдүрүтэн, уопсайа 20-чэ сыл тустубута. В.Т. Ильин – Күүстээх Ильин кэриэһигэр хапсаҕайга үөрэнээччилэргэ республикатааҕы турнир 2007 с. олунньуга Үөһээ Бүлүүгэ ыытыллыбыта[1].


Быһаарыылар[уларыт | биики-тиэкиһи уларытыы]

  1. Үөһээ Бүлүү өҥ буоруттан... / СР «Үөһээ Бүлүү» (оройуона) муниц. тэриллии дьаһалтата, Үөһээ Бүлүүтээҕи кыраайы үөрэтэр салаата [хомуйан оҥордулар : О.Д.Федорова, Г.А.Саввинова]. – Дьокуускай, 2012. – С. – 190-215