Зедгенидзева Зоя Иннокентьевна
Зедгенидзева Зоя Иннокентьевна (1926 с., кулун тутар 5 күнэ, Бүлүүчээн нэһилиэгэ, Сунтаар оройуона, Саха АССР – 1998 с.), Саха АССР оскуолаларын үтүөлээх учуутала, РСФСР норуотун үөрэҕириитин туйгуна.
Олоҕун олуктара[уларыт | биики-тиэкиһи уларытыы]
Хочо улууһун Бүлүүчээн нэһилиэгэр төрөөбүтэ. 1942 сыллаахха Бүлүүчээн сэттэ кылаастаах оскуолатын бүтэрэн, Бүлүүтээҕи педагогическай училищеҕа үөрэнэ киирбитэ. Сэрии ыар сыллара буолан, ыал улахан оҕото буоларынан, ийэтигэр көмөлөһөөрү үөрэммит оскуолатыгар 1943 сылтан учууталынан киирбитэ уонна 1952 сыллаахха үөрэҕин кэтэхтэн үөрэнэн бүтэрбитэ. Ити кэмтэн ыла бочуоттаах сынньалаҥҥа тахсыар диэри Сунтаардааҕы алын сүһүөх оскуолаҕа ханна да халбаҥнаабакка үтүө суобастаахтык үлэлээбитэ.
Оройуоҥҥа начаалынай үөрэхтээһиҥҥэ үөрэтии саҥаттан саҥа ньымаларын булан, үөрэтэн, олоххо киллэриигэ энтузиаст-учуутал. Үлэлиир сылларыгар дойду үрдүнэн Липецкэй уобалас учууталлара Эльконин, Давыдов о.д.а. саҥа ньымаларын олоххо киллэриигэ киэҥ далааһыннаах хамсааһын саҕаламмыта.
Зоя Иннокентьевна оройуон начаалынай кылаастарга үлэлиир учууталларын түмсүүлэрин салайан, сыллата семинардар, аһаҕас уруоктар былааннаахтык ыытыллаллара. Үөрэтии-иитии хаачыстыбата биллэрдик тупсубута, учуутал эппиэтинэһэ улааппыта. Начаалынай оскуолаҕа үөрэтии программаларыгар учууталлар методическай түмсүүлэрэ элбэх уларытыылары, тупсарыылары киллэрбиттэрэ учууталлар билиилэрин үрдэтэр институтунан биһирэммитэ. Зоя Иннокентьевна курдук үлэлиир Өрөспүүбүлүкэ бастыҥ учууталларын уопуттара учууталлар IV съезтеригэр туспа боппуруос быһыытынан турбута, онно кини информационнай дакылаата истиллибитэ. Үчүгэй уопут быһыытынан Өрөспүүбүлүкэ оскуолаларыгар тарҕатарга рекомендация оҥоһуллубута[1]
Наҕараадалара, ытык ааттара[уларыт | биики-тиэкиһи уларытыы]
- Саха АССР оскуолаларын үтүөлээх учуутала
- РСФСР норуотун үөрэҕириитин туйгуна
- “Килбиэннээх үлэтин иһин» мэтээл
- “1941-1945 сс. Аҕа дойду Улуу сэриитигэр килбиэннээх үлэтин иһин” мэтээл
- Үлэ, тыыл бэтэрээнэ
- Сунтаар улууһун бочуоттаах олохтооҕо[2][1]
Кини туһунан[уларыт | биики-тиэкиһи уларытыы]
- Спиридонов Н., Саҥа ньыма автора. [Саха Республикатын үтүөлээх учуутала, норуот үөрэҕириитин туйгуна, оройуон Бочуоттаах гражданина Зоя Иннокентьевна Зедгенидзева 70 сааһын туолла] - : , //Сунтаар сонуннара. . - 1996. - Кулун тутар 5 күнэ-С.3;
- Исаева А., Учуутал династията салҕанар. [Саха Республикатын үтүөлээх учуутала, норуот үөрэҕириитин туйгуна, оройуон Бочуоттаах гражданина Зоя Иннокентьевна Зедгенидзева 70 сааһын туолла] - : , //Сунтаар сонуннара. . - 1996. - Кулун тутар 5 күнэ-С.3;
Быһаарыылар[уларыт | биики-тиэкиһи уларытыы]
- ↑ 1,0 1,1 Кыайыыны, олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордулар: Н.Н.Спиридонов, А.К.Васильев; эп.эрэд: Т.Н.Иванова уо.д.а. – Дьокуускай : Чопчу, 2020. – 464с.
- ↑ Педагогическая энциклопедия Т.2/ М-во образования Респ. Саха (Якутия) ; [науч. ред.: М. Г.Михайлова, С.М. Петрова ; сост. Иванова В. С.]. – Якутск: ООО РИЦ «Офсет». – 2003.