Захарова Анастасия Петровна

Анастасия Петровна Захарова (Крюкова) (22.08.1934 — 2.04.2004) — Дьоруой ийэ, тыыл уонна үлэ бэтэрээнэ, Чурапчы көһөрүүтүн кыттыылааҕа.

Олоҕун олуктара

1934 сыллаахха атырдьах ыйын 22 күнүгэр Чурапчы улууһун Сылаҥ нэһилиэгэр төрөөбүт. Оҕо сааһыгар тулаайах хаалан, эдьиийигэр Пелагея Петровнаҕа иитиллибитэ. Убайа Пётр Аҕа дойдуну көмүскүүр Улуу сэрии бастакы сылларыгар ыҥырыллан барбыт, кэлин кини өлбүтүн туһунан хара сурук кэлбит.

1941 сыллаахха Чурапчы көһөрүүтүгэр Анастасия уонна Пелагея Нам улууһун Түбэ нэһилиэгэр кэлэннэр, сүөһү көрөн кыстаабыттар. Эһиилигэр эдьиийэ дойдутугар төннүбүт, Анастасияны Готовцевтар диэн саастаах дьон иитэ ылбыттар. Кыра кыыс кинилэргэ хаалан, 1951 сылга диэри улахан дьону кытта тэҥҥэ колхуос араас үлэтигэр сылдьыспыт.

Анастасия Петровна 4 кылаас уорэхтээх.

1951 сыллаахха Түбэ уолугар Захаров Николай Иннокентьевичка кэргэн тахсыбыт. Эдэр ыал Модут нэһилиэгэр көһөн кэлэн, дьиэ-уот тэринэн, 10 оҕону төрөтөн, көрөн-харайан, 4 кыыһы, 6 уолу атахтарыгар туруорбут.

Анастасия Петровна 1958 сылтан кэлин пенсия5а тахсыар диэри «Кэнчээри» оҕо саадыгар поварынан үлэлээбит. Ол кэминээҕи детсад иитиллээччилэрэ бары биир курдук Анастасия Петровна минньигэс аһын хайҕыыллар, билиҥҥэ диэри сүрдээх истиҥник ахталлар. Ону таһынан, Анастасия Петровна нэһилиэк иһигэр ыытыллар тэрээһиннэргэ көхтөөхтүк кыттар, иистэнньэҥ бэрдэ диэн аатырар — оҕолорун, сиэннэрин бэйэтэ илииннэн тигэн таҥыннартыыр, кэлин нэһилиэк дьахталлара таҥас арааһын сакаастаан тиктэрэллэр эбит.

Наҕараадалара уонна мэтээллэрэ

• «Мать-героиня» (1937 с.);
• «Материнская слава» (1-кы, 2-с, 3-с, 4-с, 5-с истиэпэнэ);
• «Ветеран труда»
• «Маршал Советского Союза Жуков»