Драверт Петр Людовикович

Драверт Петр Людовикович (Людвигович, Людвикович) — Сибиири чинчийээччи, геолог, бэйэтин кэмигэр биллиилээх бэйиэт. Эдэр сылдьан Саха сиригэр көскө олоро сылдьыбыта, Саха сирин айылҕатыгар сыһыаннаах хоһооннордоох^[1].

Олоҕун олуктара

1879 сыл тохсунньу 4 (16) күнүгэр Вяткаҕа төрөөбүт.

1906—1910 сс. Саха сиригэр көскө сылдьан Кэмпэндээйи тууһун, Өлүөнэ алын тардыытын флоратын уонна фаунатын, Байаан-Күөл уонна Абалаах туустарын үөрэппит. Үлэлэрэ: «Экспедиция в Сунтарский соленосный район», «Гипс в Якутии», «К вопросу о драгоценных камнях Якутской области», «Опалы в Якутской области», «Материалы к этнографии и географии Якутской области».

1907 с. от ыйыгар "Якутский край" хаһыат тахсыытыгар кыттыбыт^[1].

Сыылкатын бүтэһик сылын Томскайга олорбут. 1912 сыллаахха Казааннааҕы университекка төннүбүт. 1914 с. университеты бүтэрбит. Бу сылларга геологияҕа чинчийиилэри ыытар, 1916 с. Бүлүүгэ көмүһү чинчийэр Геология кэмитиэтин эспэдиссийэтигэр кыттыбыт.

Салгыы Омскайга олохсуйбут. Университеттарга бэрэпиэссэрдээбит.

Айар үлэтэ

Хоһоонноро бэчээккэ 1903 с. бастаан тахсыбыттара уонна ааҕааччы биһирэбилин ылбыттара. Айымньылара алта кинигэ буолан тахсыбыттара: «Тени и отзвуки» (1904), «Ряды мгновений» (1908), "Под небом якутского края (1911), «Стихотворения» (1913), «Сибирь» (1923), «Стихи о Сибири» (1957)^[1].

1945 сыл ахсынньы 12 күнүгэр Омскайга өлбүт.

Өссө маны көр

Метеорит
Цветные камни Архыыптаммыт 2008, Ыам ыйын 24 күнүгэр.
Ил саайта
Саха национальнай бибилитиэкэтин саайта Архыыптаммыт 2006, Ыам ыйын 17 күнүгэр.
«Илин» сурунаал
«Тальцы» Сурунаал

Быһаарыылар

1 2 3 М. Г. Самыгина, Г. С. Тарский Календарь знаменательных и памятных дат. — г. Якутск: Якутское книжное издательство, 1994. — С. 7-9. — 116 с. — 1000 экз.

[:0-1] 1 2 3 М. Г. Самыгина, Г. С. Тарский Календарь знаменательных и памятных дат. — г. Якутск: Якутское книжное издательство, 1994. — С. 7-9. — 116 с. — 1000 экз.

[1]