Григорьев Семен Егорович

Григорьев Семен Егорович — реликтовай фаунаны чинчийбит биллэр саха учуонайа, Сэлии түмэлин дириэктэрэ.

Олоҕун олуктара

Амма оройуонун Болугур сэлиэнньэтигэр 1974 сыл кулун тутар 8 күнүгэр төрөөбүтэ. Усуйаана Казачье сэлиэнньэтигэр улааппыта, оскуолаҕа үөрэммитэ.

1990 сыллаахха СГУ биология-гегография факультетын биология салаатыгар киирбитэ.

СГУ-ну бүтэрэн баран 1995-96 сс. Хаһаачыйа орто оскуолатыгар учууталлаабыта.

1996 с. биология билимин дуоктара Мордосов И.И. ыҥырыытынан СГК аспирантууратыгар киирбитэ. Тэҥҥэ университет зоология түмэлин сэбиэдиссэйинэн үлэлээбитэ.

1998 с. – ассистент, 2005 с. – СГУ зоология хаапыдыратын старший преподавателэ.

2006 с. Хоту дойду прикладной экологиятын институтун прикладной зоологиятын уонна биоиндикациятын лабораториятыгар младшай научнай үлэһитинэн кииррбит, 2008 с. – онно научнай үлэһит буолбут.

2009 с. «Хоту дойду прикладной экологиятын института» ФГНУ Сэлии түмэлин үрдүкү научнай үлэһитэ буолбут. П. А. Лазарев ааытнан Сэлии түмэлин лабораториятын салайбыт.

2007 с. «Экология мелких млекопитающих бассейна нижнего течения р. Яны и прилежащих территорий в условиях антропогенного воздействия» диэн тиэмэҕэ хандьыдаакка диссэртээссийэтин көмүскээбит. Бу үлэтигэр матырыйаалы уон сыл тухары хомуйбут, түмүктэрин хас да өрөспүүбүлүкэ, Арассыыйа уонна аан дойду таһымнаах кэмпириэнсийэлэргэ көрдөрбүт.