Бүлүү өрөгөйүн ырыата

Бүлүү өрөгөйүн ырыата.

Ырыа тыла

Бүлүү өрөгөйүн ырыата
Бастакы кэрчигэ
Ырыалаах бу ыраас кумаҕы, Бэс чагда бу үрдүк кытылы Хаһаак дьон таптаабыт эбиттэр Дьол төрүүр алгыһын эппиттэр
Хос ырыата
Тапталбыт, эрэлбит уйата — Төрөөбүт Бүлүүбүт куората, Өрүүтүн чэлгийэ, сайда тур, Үйэттэн үйэҕэ туругур!
Иккис кэрчигэ
Саргылаах сайдыыбыт кыһата, Санаабыт, ырабыт кыната, Кыталык үҥнкүүлүүр туоната — Кырдьыбат мин Бүлүүм куората.
Үһүс кэрчигэ
Ыччаппыт ыратын ыллыктаан, Аҕа дьон айбытын харыстаан, Өркөннөөх өй күүһүн уруйдаан, Үтүөнү-кэрэни айхаллаан.

Ырыа ааптардара

Ырыа тылын Н. И. Иванов суруйбут, мелодиятын — А. И. Васильев. Васильев Алексей Иннокентьевич — Саха Өрөспүүбүлүкэтин культуратын туйгуна, М. Н. Жирков аатынан Бүлүүтээҕи искусство оскуолатын преподавателэ. «Кэрэчээнэ» ырыа ансаамбылын салайааччыта. А. Васильев айбыт ырыалара — «Киэһээҥҥи Бүлүү» уонна «Сахам Сирин таптыыбын» — XX үйэ сүүс бастыҥ умнуллубат сахалыы ырыаларын ахсааныгар киирбиттэрэ.