Бёрн Страуструп

**Бёрн Страуструп**
Бёрн Страуструп
	; Бьёрн Страуструп 2010 сыллаахха
Төрөөбүтэ	Бьёрн Страуструп; 30 Ахсынньы 1850; Орхус, Дания
Олорбут сирэ	Дания
Эйгэлэрэ	C++
Үлэлээбит сирдэрэ	AT&T Bell Laboratories, AT&T

Бьёрн Страуструп (даан. Bjarne Stroustrup, ˈbjɑːnə ˈsdʁʌʊ̯ˀsdʁɔb (төр. Ахсынньы ыйын 30 күнүгэр 1950 сыллааҕыта)) — программист, C++ программирование тылын автора.

Олоҕун кэпсээнэ

Бьёрн төрөөбүт уонна улааппыт дойдута Орхус куорат (Дания). Орхус университетыгар информатика салаатыгар киирбитэ. Бүтэрэн баран магистр степенин ылбыта (1975). Кэлин, Кембридж университетын лабораториятыгар үлэлии сылдьан, информатикаҕа диссертация комүскээбитэ (1979). Черчилл колледжын чилиэнэ.

1979 сыллаахха Страуструп, кыыһын уонна кэргэнин кытта, Bell Telephon Laboratories диэн научнай-чинчийэр киинигэр үлэлии бараары, Нью-Джерсига көһөн барбыта. Ол сылга кэргэнэ уол оҕону төрөппүтэ, Николас диэн ааттаабыттара. Төрүттэниититтэн 2002 сыллаахха сабыллыар диэри Бьёрн AT&T Bell Labs компания бөдөҥ программирование уобалаһын чинчийии отделын салайааччыта этэ.

Бьёрн Страуструп С++ программирование тылын оҥорон бэлэмнээбит киһи.

Бүтэһик бириэмэгэ С++ киэҥ кэтиккэ туттуллар объект хайысхалаах програмирование тыла буолан иһэр. Страуструп объект хайысхалаах уобалаьын туһаныытыгар уонна түмүллүбүт программирование парадигм уобалаьын программнай приложение айыытыгар бастакы киһиннэн ааҕыллар. Онно эффективнаһа бастакы свойствоннан турар буолулуотаах, холобур симулятор, графика, туһанааччы холбуура, прикладной систиэмэ, научнай ааҕан таһаары систиэмэтэ.

Наука уонна общество өҥөтө

Страуструп «Язык программирования С++» диэн кинигэтэ - бэйэтин уобалаһыгар биир бастыҥ ааҕыллар, 19 араас тылларга тылбаастаммыт кинигэ. Аныгыс кинигэтэ «Дизайн и эволюция С++» программирование тылын дьүһүннэһинин саҥа арыйбыт: сана санаалары, муҥутуур үчүгэй холобурдары, быһаарыыга турар соруктары. Бэйэтин биэс кинигэтигэр эбии сүүстэн тахсаа академическай уонна атын популярнай ыстатыйалары таһаартарбыта.

Бьёрн С++ анаан ANSI/ISO стандарт айыытыгар көхтөөх кыттыыны ылар этэ уонна салгыы стандарты көҕүлээһин уонна хос көрүтүгэр үлэлиир этэ.

1990 сыллаахха «Dr. Dobb’s Journal» санаатынан «Справочное руководство по языку программирования С++ с комментариями» техническай документацияҕа уһулуччулаах мастер диэниниэн наҕараадаламмыта. Бу сурунаал санаатынан 1994 сыллаахха «Дизайн и эволюция С++» диэн кинигэ программистарга кинилэр төрүт кодтарын тупсаҕай буолуутугар көмөлөһөн «Productivity Award» диэн наҕарааданы ылбыта.

Бьёрн Страуструп Национальнай Инженерия Академиятын («National Academy of Engineering») чилиэнинэн 2004 сыллаахха С++ тылы айбытын иһин талыллыбыта. Бастакы компьютернай учуонай быһыытынан, америка научнай чинчийэр холбоһуга 2005 сыллаахха наҕараадалаабыттара («Wiliam Procter Prize for Scientific Achievement from Sigma Xi»). Бьёрн Страуструп үлэлиир сирэ AT&T BELL Laboratories уонна AT&T. Онтон ураты, Страуструп Техасскай медицинскэй, инжеренийэ уонна наука академиятын чилиэнэ буолар. Бьёрн Страуструп «Fortune magazine» сурунаалынан «уон икки бастыҥ эдэр америка учуонайдарыттан» биирдэстэринэн ааттамыта. Ытыктабыллаах доктор НИУ ИТМО (2013) http://is.ifmo.ru/doctors/stroustrup.pdf

Наҕараадалара уонна бүттүүн билиниитэ

1993 – Грейс Мюррей Хоппер аатынан бириэмийэ, «С++ тылга эрдэтээҥҥи үлэлэригэр, кини оҥоруутугар олоҕурбут уонна саамай улахан киллэрбит сабыдыал программирование тыларыгар ааҕан таһаарар техника бүттүүн историятыгар».

2004 - «Компьютернай урбаанньыт» бириэмийэтэ компьютернай холбоһуктан IEEE, «оҥоруу саҕаланыыта уонна объект хайысхалаах технологиятын коммерциализацията программа оҥороһуна уонна улахан уларыйыыларга, киллэриллибит урбааҥҥа уонна индустрияҕа».