Бууктаах сон

Бикипиэдьийэ диэн сиртэн ылыллыбыт
Перейти к навигации Перейти к поиску
Билэ:Buuktaakh son.jpg
Таатта улууһун баайын Оруоһун кыргыттара. И.В. Попов хаартыскаҕа түһэриитэ. 20-ис үйэ саҥата.

Бууктаах (бууттаах) сон – былыргы саха дьахтарын киэргэлгэ кэтэр мааны таҥаһа.


Бууктаах сон - кылааннаах түү кытыылаах сон. Киис, бэдэр, бөрө түүтүн сон тэллэҕэр, эҥэригэр, сиэҕэр, оноотугар (тыыраҕаһыгар) тигэллэрэ. Былыргы сон дьогдьуурдаах, кэннигэр биилин аллара өттүнэн тыыраҕастаах буолара. Бу ат миинэргэ табыгастаах эбит. Иннин-кэннин өҥнөөх сукунанан сирийэллэрэ. Биир соҥҥо дьүөрэлэнэр өҥнөр - кыһыл от күөҕү кытта эбэтэр хара кыһылы кытта.

Сону үрүҥ көмүһүнэн, оҕуруонан киэргэтэллэрэ. Сүрүн сииктэрин синньигэс үрүҥ көмүс пластинкаларынан саба баттатан киэргэтэ, сороҕор ойуу гына тигэллэрэ. Сон түү истээх буолар. Былыр баай дьахтар таҥаһа.


Нууччалыыта: шуба с буерами.


Литература[уларыт | биики-тиэкиһи уларытыы]

  • С.Р. Иванова. Саха таҥаһа. Учууталга көмө. Якутская одежда. В помощь учителю. Якутск 1993. 5-85841-023-5

Ыйынньыктар[уларыт | биики-тиэкиһи уларытыы]