Буруй

Буруй диэн киһи туох эрэ сыыһаны куһаҕаны гыммытын өйдөөтөҕүнэ буолар иэйии. Киһи буруйун төһө дириҥник билинэрэ ылынара араас төрүөттэртэн тутулуктаах - төй, сүрэл, дьиэ кэргэн иитиитэ, түмэт үгэстэрэ, култуура, итэҕэл. Буруй кэмсинии, хомолто, кыбыстыы курдук иэйиилэри кытта ситимнээх.

Психопатия ыарыылаахтар буруй диэни билбэттэр, куһаҕаны гыммыттарын иһин олох кэмсиммэттэр. Туохха барытыгар бэйэлэрин куотуналлар, атыттары буруйдууллар. Төттөрүтүн, бырахтарыы уонна тууйуллуу ыарыылаахтар ардыгар бэйэлэрин аһары буруйданаллар. Бырахтарыылаахтар суох буруйдарын өйдөрүгэр толкуйдаан баран онтон кэмсинэллэр. Тууйуллуулаахтар уруккуну эргитэн кэлэ-кэлэ бэйэлэрин буруйданаллар эбэтэр кимиэхэ эрэ сыыһаны гыммытым дуу диэн долгуйаллар.