Бурнашев Гавриил Васильевич

Гавриил Васильевич Бурнашев — РСФСР оскуолатын үтүөлээх учуутала.

Ахсынньы 27 күнүгэр 1933 с. Уус-Алдан Курбуһах нэһилиэгэр төрөөбүтэ. 1940 с. төрөөбүт дойдутун оскуолатыгар киирбитэ. 1953 с. Мүрү орто оскуолатын ситиьиилээхтик үөрэнэн бутэрбитэ. Ол күһүнүгэр Дьокуускайдааҕы педагогическай институкка үөрэххэ киирэр.

Саха государственнай университетын бүтэрэн баран 1957-1958 сс. үөрэх дьылыгар Мүрү орто оскуолатыгар нуучча тылын уонна литературатын учууталынан анаммыта.

Гавриил Васильевич аҥардас уруогу биэрэринэн мунурдаммакка, кылаас тас өттүгэр ыытыллар үлэҕэ активнайдык кыттара. Кини кыра оҕо эрдэҕиттэн үҥкүүгэ талааннааҕа, спордунан дьарыктанара.

Гавриил Васильевич 1961 с. ыла Курбуһах орто-интернат оскуолатыгар нучча тылын уонна литературатын учууталынан, онтон 1973 с. үөрэх чааьын сэбиэдиссэйинэн үлэлээбитэ.

Курбуһах орто-интернаат оскуолатыгар үлэлиир кэминэр кини оҕолору чэпчэки атлетикаҕа дьарыктыыра, араас үҥкүүлэри туруоран үҥкүүллэппитэ.

РСФСР Верховнай Совет Президиумун 1977 с. олунньу 16 кунунээ5и уураа5ынан Курбуһах орто-интернат оскуолатын нуучча тылын учуутала Бурнашев Гавриил Васильевич норуот үөрэҕириитин салаатыгар үтүөлэрин иьин РСФСР оскуолатыгар үтүөлээх учууталын бочуоттаах аатын ылбыта.