Будищев Рево Петрович
Будищев Рево Петрович - Саха Өрөспүүбүлүкэтин бэтэрээн суруналыыстарын сэбиэттэрин бэрэссэдээтэлэ, Саха Өрөспүүбүлүкэтин култууратын үтүөлээх үлэһитэ.
Үлэтин инженер-тутааччы идэтинэн Дьокуускай горисполкомугар саҕалаабыта. 1980 сыллаахтан ССКП обкуомун издательствотын дириэктэрин тутуу боппуруостарыгар солбуйааччыта. Ити кэмҥэ кини быһаччы салалтатынан Дьокуускайга Бэчээт дьиэтэ тутуллубута, үлэҕэ 1983 сыллаахха киирбитэ. 80-с сылларга баараҕай хаһыат комплекса тутуллуута саҕаламмыта (билигин "Туймаада" эргиэн киинэ буолан турар).
1994 сыллаахха "Саха" НКИХ хапытаалынай тутууга салаатын начаалынньыгынан, салгыы генеральнай дириэктэри производствоҕа солбуйааччытынан анаабыттара. Биэнсийэҕэ тахсан баран "Саха сирэ" хаһыат "Бөрүө" эрэкилээмэҕэ салаатын салайбыта. Онтон 15 сыл устата Аан дойду омуктарын Хомус түмэлигэр үлэлээбитэ, дириэктэри солбуйааччы буолбута[1].
Быһаарыылар
[уларыт | биики-тиэкиһи уларытыы]- ↑ Тэрийэр-дьаһайар, айар-тутар аналлааҕа... Саха сирэ хаһыат кэлэктиибэ, "Саха сирэ" №41(6181), 2019 с. алтынньы 24 күнэ, С. 43