Бикипиэдьийэ:Уран халандаар

Уран халандаар туһунан

Бу саха уус-уран литэрэтиирэтигэр болҕомто тардаары оҥоһуллар бырайыак. Бырайыакка саха литэрэтиирэтигэр буолбут күттүөннээх түбэлтэлэри хронология бэрээдэгинэн угабыт, испииһэктиибит. Сүнньүнүн үс испииһэги оҥорор былаан баар:

1. Саха литэрэтиирэтигэр ахтыллар күннэр-дьыллар (дааталар) испииһэктэрэ
2. Саха айымньылара суруллубут, саҕаламмыт, бэчээккэ тахсыбыт күннэрэ-дьыллара
3. Саха суруйааччыларын олохторуттан бэлиэ күннэр-дьыллар (төрөөбүт күннэрэ, бастакы айымньылара бэчээттэммит күнэ, судаарыстыбаннай бириэмийэ анаммыт күнэ, өлбүт күнэ уо.д.а.)

Түөлбэ тылыгар

Күн тахсар ыйа, ороһуспа ыйа, хараҥа ый, туман түһэр ыйа, тымныы баһа тостор ыйа.

Уус-уран литератураҕа

• “Тохсунньу кыыдаан дьыбара чыҥкыныы турара, силлээбит сил сиргэ тиийбэккэ муус буолан тобугуруу тохторо... Кыыгыныы-кыыгыныы турар түптэлэс тымныы уот-дьыбар мууһунан хаарыйбахтыыр, уотунан салаамахтыыр. Бу буоллаҕа дии бии бургунас муоһа булгурута тоҥор тымныыта! Халыҥ сискэ мутук тоһута тоҥон, киһи соһуйан этин таттарыах, хатан баҕайытык час гына түһэрэ”. (П.А. Ойуунускай “Сүрэх” кэпсээниттэн)

Саха айымньылара суруллубут, саҕаламмыт, бэчээккэ тахсыбыт күннэрэ-дьыллара

Кулун тутар

Кулун тутар 15, (1939 сыл) — "Эдэр бассабыык" хаһыакка Тимофей Сметанин суруйааччы Чаҕылҕан "Ньургуһун туһунан" диэн оҕолорго аналлаах кинигэтин ырытар ыстатыйатын бэчээттээбит.