Бикипиэдьийэ:Сиэр

Бикипиэдьийэ диэн сиртэн ылыллыбыт
Сүрүн | Кэпсэтэр сир  

Манна Бикипиэдьийэ сиэрин сахалыы суруллуохтаах. Ким кыахтаах көмөлөһүҥ

Сүрүн майгыларыттан биирдэстэрэ маннык: суруллар материал ааптар хайдах саныырын көрдөрүө суохтаах. Ол аата Википедия бу маннык сөп, маннык сыыһа дииргэ кыттыспат, мөккүһэр түгэннэргэ ким да өттүн ылбат. Оннук мөккүөрдээх түгэн баар буолар буоллаҕына өрүттэр санааларын, туоһуларын барытын суруйуллуохтаах. Ханнык эрэ этии бүтэһиктээх кырдьык курдук сулумах биэриллибэккэ, булгуччу ким эрэ үһүс эппитин туоһулаан туран көрдөрүллүөхтээх. Арай киһи бары билэр чахчылара, эбэтэр науканнан дакаастаммыт чахчылар эрэ оннук илэ-чуо суруллуохтарын сөп. Холобур, Дьокуускай куорат Өлүөнэ кытылыгар турар, эбэтэр Күн тыгар. Бу манна итини сиһилии көрүөххүн сөп: Википедия: Нейтральная точка зрения (Кытыга суох сыһыан)

Сахалыы таба суруйуу быраабылалара — бу билигин саха грамматикатыгар туттуллар официальнай дөкүмүөн. 2001 сыллаахха ылыныллыбыт буолан оскуолаҕа үөрэппикитинээҕэр арыый атын буолуон сөп. Киирэн билсиҥ.


Үйэ (век)[куодун уларытыы]

Аан дойду историческай литературатыгар үйэни ириим (римскэй) сыыппараларынан суруйаллар. Биһиги Википедиябытыгар эмиэ ону тутуһабыт. Холобур: XI ү. — уон биирис үйэ, XIX — уон тохсус үйэ. Суруйарга латыынныы клавиатура аттарыытынан, английскай (эбэтэр немец, боронсуус) тыл I,V,X улахан буукубаларынан туһаныллар.


Бичик (шрифт) Википедияҕа хайдах суруллара[куодун уларытыы]

Модьу-таҕа бичиги (жирный шрифт, bold) элбэхтик туһанартан туттуна сатааҥ. Быһаарар термиҥҥытын эрэ ыстатыйа саҕаланыытыгар модьуратан көрдөрүҥ, атын информацияны ураты көрдөрүөххүтүн баҕардаххытына иҥнэри бичиги (наклонный шрифт, italic) туһаныҥ. Подзаголовоктары маннык бэлиэтээҥ:

== Үйэ (век) == (икки өттүттэн иккилии тэҥнэһии бэлиэтэ)

эбэтэр маннык:

=== Сыллар ===

эбэтэр:

==== Хонуктар ====


Өссө маны көр[куодун уларытыы]