Бикипиэдьийэ:Пресс-релиз/2015 Биллиилээх дьон
Улуус, куорат уонна нэһилиэк биллиилээх дьонугар күрэс
Эдэр учуонайдар уонна специалистар “Сайдыс” ассоциацияларын салайааччыта Алла Ноговицина көҕүлээһининэн быйыл күһүн Сахалыы Бикипиэдьийэҕэ улуустартан, нэһилиэктэртэн төрүттээх биллэр-көстөр дьоҥҥо күрэс ыытыллар. Бириистэри «Сайдыс» тэрийэн спонсордар туруордулар: «Уус Экспо» маҕаһыын, «Газстройпроект», «Хард Стройинжиниринг» хампаанньалар, Технопарка уонна биирдиилээн дьон.
Күрэс балаҕан ыйын 15 күнүттэн алтынньы 15 күнүгэр диэри марафон быһыытынан ыытыллыа. Бикипиэдьийэҕэ марафон диэн болдьоммут кэм иһигэр элбэх ыстатыйаны суруйбут киһи кыайар күрэһин ааттыыллар.
Марафон түмүгүнэн икки номинацияҕа үстүү кыайыылааҕы дьүүллүүр сүбэ талыа:
1. Улуус туһунан ыстатыйаҕа ахтыллыбыт дьоҥҥо аналлаах ыстатыйаны суруйууга. Ол аата аан дойду, Сойуус, Арассыыйа, өрөспүүбүлүкэ таһымыгар биллибит, улууска төрөөбүт-үөскээбит дьон туһунан;
2. Нэһилиэк туһунан ыстатыйаҕа ааттаммыт, нэһилиэк киэн туттар дьонугар аналлаах ыстатыйаларга: өрөспүүбүлүкэ, улуус таһымыгар биллибит гынан баран, бастакы бөлөххө киирбэтэх дьон.
Күрэскэ биирдиилээн дьон кытталлар. Ону таһынан улуустартан, нэһилиэктэртэн бастаабыттары, көхтөөхтөрү талыахпыт, ол түмүгүнэн саамай элбэх биллиилээх дьонноох улуус уонна саамай элбэх биллиилээх дьонноох нэһилиэк талыллыахтара уонна бэчээккэ ааттаныахтара.
Кыттар киһи ыстатыйатын Бикипиэдьийэҕэ бэйэтэ угар уонна аналлаах испииһэккэ ол ыстатыйатын аатын суруйар. Ыстатыйаны хайдах саҕалыыр, хайдах быһыылаахтык суруйар туһунан бикипиэдьийэҕэ бэйэтигэр көрүөххүтүн сөп. Бикипиэдьийэ энциклопедия буоларын быһыытынан, ыстатыйалара энциклопедияҕа дьүөрэлээх буолаллара ирдэнэр. Ол аата хаһыат ыстатыйатыгар, уус-уран айымньыларга майгыннаабат, чахчыларга олоҕурар матырыйаал буолуохтаах.
Бүк охсунуу: Бикипиэдьийэҕэ ааккын ааттаабакка да, псевдонимынан да суруйуохха сөп, ол эрээри бириистээх миэстэҕэ тиксибит киһи сурукка киирбит аатын тэрийээччилэргэ этэргэ бэлэм буолуохтаах. Күрэс балаһыанньатын Бикипиэдьийэҕэ билсээриҥ.
Харса суох суруйуҥ - нэһилиэккитин, куораккытын, улуускутун ааттатыҥ!
Бикипиэдьийэ аадырыһа: https://sah.wikipedia.org/
Ыйытыыны Бикипиэдьийэ дьаһабылыгар Халаҥҥа halan@yandex.ru аадырыска ыытыаххытын, эбэтэр МГФ 661-88-33 нүөмэринэн сураһыаххытын сөп.
Тэрийэр бөлөх.
Контакты[биики-тиэкиһи уларытыы]
Ответственный: Павлов Николай
Тел: +7-924-6618833,
Вопросы шлите на эл. почту: halan@yandex.ru