Бикипиэдьийэ:Кыттааччыларга сүбэлэр

Бикипиэдьийэ диэн сиртэн ылыллыбыт
Кылгас сигэ-утаарыы
БП:КС

Ыстатыйа суруйуон баҕалаахха сүбэлэр: Бастаан нууччалыы Бикипиэдьийэҕэ киирэн Руководство для быстрого старта аах. Үөһээ уҥа диэки баар Суруйуу сиэрэ тимэҕи баттаатаххына Бикипиэдьийэ сорох сиэрин (суруйуу быраабылаларын) сахалыы тылбааһын көрүөххүн сөп.

Чэ суруйарбар уолдьаста, бэлэммин, - диэтэххинэ Саҥа ыстатыйаны эбиэххэ түннүккэ (Сүрүн сирэйгэ баар) сахалыы ыстатыйа аатын суруй уонна Айыахха диэн тимэҕи баттаа. Өссө биир ньыма - үөһэ Көрдөөһүн түннүккэ ыстатыйа аатын суруй, онтон луупа ойуутун баттаа.

Бука диэн сахалыы буукубаннан суруйа сатаа (үөрүү оннугар уоруу буолбатын курдук) - хайдах сахалыы суруйарыҥ манна баар. Ол гынан баран ити сатамматаҕына (атын киһи көмпүүтэрэ, квалификацияҥ тиийбэт буоллаҕына иҥин) нууччалыы да раскладканан (буукубанан) суруйуоххун сөп, кэлин бэйэҥ эбэтэр атын кыттааччы көннөрүө буоллаҕа.

Сахалыы тылынан суруйа сатаа ("окошканнан посмотрила" диэн буолбатын курдук) - манна сахалыыттан-нууччалыы, нууччалыыттан-сахалыы on-line тылдьыт баар. Бу эмиэ хайаан да ирдэммэт, баҕарыллар эрэ суол, хайдах билэргинэн суруй, көннөрөргө көмөлөһүөхпүт. Оннооҕор сахалыы биир да тылы билбэт киһи манна суруйуон сөп.

Харса суох суруйан ис, хайдах сөпкө сурулларын сүбэлиэхпит, сыыйа-баайа бэйэҥ да билэн иһиэҥ.

Туох эмэ өйдөммөт буоллаҕына, эбэтэр тугу эрэ тупсарыаххын баҕардаххына Кэпсэтэр сиргэ киирээр, эбэтэр бу киһиттэн (HalanTul) нууччалыы да сахалыы да ыйытаар.