Бикипиэдьийэ:Бастакы хардыылар

Бикипиэдьийэ диэн сиртэн ылыллыбыт
(Мантан: Бастакы хардыылар көстө)
Бастаан Бикипиэдьийэҕэ киирбит дьоҥҥо аналлаах сирэй.
Бу бырайыакка кыттаҥҥыт бэйэҕит да улаханнык астыныаххыт, дьоҥно да көмө буолуоххут диэн эрэнэбит

Бастаан киирбит киһи вики-разметкаҕа буккуллааччы, холобур хайдах модьу бичигинэн суруйабын, саҥа строканы хайдах оҥоробун диэн мунаарар түгэннэрэ баар буолааччы. Бу сирэй онно көмө буолуо.

Эрчиллэр сир[куодун уларытыы]

Бастатан туран ону маны көннөрөргө үөрэнэргэ, ыстатыйа харатын (черновигын) оҥорорго Тус бэйэ сирэйин оҥоһун. Ону оҥорорго маны баттаа, онтон тахсыбыт түннүккэ маннык ааттаах саҥа ыстатыйаны суруйуоххун сөп диэни баттаа, оччоҕо /Ыстатыйа харата диэн сирэй оҥоһулуо.

Бу тус бэйэҥ сирэйиҥ. Бикипиэдьийэ сүрүн ыстатыйаларын аатын далыгар киирбэт (статистикаҕа эмиэ). Онон манна тугу баҕарар гыныаххын сөп. Ыстатыйа омоонун суруйуоххун сөп, араас разметка тэриллэрин туһанан эспэримиэн ыытыаххын сөп. Бэйэҥ көҥүлүҥ.

Кэлин наадата суох диэтэххинэ дьаһабылга этэҥҥин соттороор, эбэтэр маннык бэлиэни туруораар: {{Db-owner}}

Разметка туһунан[куодун уларытыы]

Ыстатыйаны көннөрөн биэрэргэ Уларыт диэн кыбытыгы (вкладканы) баттанар. Үөһэ баар.

Модьу бичигинэн суруйарга модьуратыахтаах тылгын мышкаҕынан бэлиэтээн (хараардан) баран үөһэ баар тэрил хаптаһыныгар (панель инструментов) бастакы турар А буукубаны баттаа.

Саҥа (кыһыл) устуруокаттан саҥа абзааһы саҕалыаххын баҕардаххына абзаастар ыккардыларыгар кураанах устуруоканы кыбыт. Атын ыстатыйаҕа сигэнээри гыннаххына ол тылгын квадрат ускуобкаҕа угуохтааххын, судуругутук угарга тылгын хараардан баран тэрил хаптаһыныгар сыап ойуулаах тимэҕи баттаа. Салгыыта өйдөнүө дии саныыбын.

Салаа баһын оҥорорго бас тыллар (салаа аатын) икки өттүн икки эбэтэр үс тэҥэһии бэлиэтин туруораҕын. Маннык === Олоҕун олуктара ===

Суруйан-үлэлээн киирэн бардаххына атын да бэлиэлэри билэн иһиэҕиҥ.

Барытын сатыаҕыҥ диэн эрэнэбит! Харса суох түһүнэн кэбис!

Эбии сигэлэр[куодун уларытыы]

Бу ролигы көр: Көмө:1-кы уруок

Өссө маны көр:

Бикипиэдьийэни сэргээбит буоллаххына доҕотторгор, аймах-билэ дьоҥҥор кэпсээ!