Баштау
Халыып:Хребет Баштау — Соҕуруу Ураалга баар хайа сиһэ. Башкортостан Белорет оройуонугар баар.
Меридиан хайысхатын батыһа Улахан Авзян уонна Агидель өрүстэр ыккардыларынан Караташ диэн хайаҕа диэри тайаан сытар.
Устата 40 км, кэтитэ — 10 км кэриҥэ, үрдүгэ 1271 м (Оло Шатак хайа).
Сис соҕуруу, киин уонна хоту эҥэрдэргэ арахсар.
Соҕуруу эҥэрэ — Оччугуй Авзян үрэх таһымыттан 180 м үрдүктээх хайалар, чыпчааллара 1043 м (Катушка чыпчаал) уонна 950 м. Бу хайалартан Оччугуй Авзян уонна Кухтур үрэхтэр (Агидель өрүс салаалара) саҕаланаллар.
Киин эҥэрэ ордук үрдүк, Оло Шатак уонна Капкаташ (1099 м) диэн чыпчааллардаах. Арҕаа эниэтэ туруору, илин эниэтэ сырыынньа, көһөҥө таастардаах. Кухтур үрэх салаалара мантан саҕаланаллар.
Хотугу эҥэрэ үрдүгэ суох, 900 м тиийэр, илин эниэтигэр таас хайалара быгар.
Тутула
[уларыт | биики-тиэкиһи уларытыы]Сис кварцит-песчаниктан, конгломераттартан, аргиллитартан, орто рифей машак свитатын эффузивтарыттан турар.
Ландшааба үрдүгүттэн тутулуктаах. 500 м диэри бэс булккаастаах хатыҥ, тэтиҥ ойуурдар, 500-тэн 900 м диэри — тиит булкаастаах хатыҥ, бэс ойуурдар, 900 м үөһэ — 600 саастаах мастардаах тиит ойуурдар.
Топонимика
[уларыт | биики-тиэкиһи уларытыы]Башкиир тылыттан Баштау — бас хайа.