Баскилар тыллара

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Баскилар тыла (баск. Euskara) — Испания хоту, Франция соҕуруулуу-арҕаа сирдэригэр (Баскилар сирдэрэ диэн ааттанар) былыргыттан олорор баски омук тыла. Бу тыл атын тыллары кытта уруурҕаспат изолят тылынан ааҕыллар. Литэрэтиирэлии тыллара Euskara Batua диэн ааттанар (гипускоан түөлбэ тылыгар 1980 сыллаахтан олоҕурар).

Тыл Франко диктатуратын кэмигэр бобулла сылдьыбыта, сүтэ сыспыта. Ол кэмҥэ Испанияҕа кистэлэҥ тэрилтэлэр эрэ тылы өйүүллэрэ. Диктатура суох буолбутугар судаарыстыба бу тылы билиммитэ. Омук бэйэтэ тылын харыстаан араас таһымнаах тэрээһиннэри ыытар, олортон биир далааһыннааҕынан биллэр тэрээһин Коррика (сүүрүү) буолар.