Иһинээҕитигэр көс

Барыы битигэ

Бикипиэдьийэ диэн сиртэн ылыллыбыт
Кыһыл байҕалы туорааһын, Никола Пуссен

Барыы битигэ (был.-гириэк. Ἔξοδος; ивр. שְׁמוֹת‎, "Ааттар") диэн Биибилийэ иккис битигэ. Үөскээһин битигин кэнниттэн кэлэр. Дьэбэриэй өбүгэлэрэ суттан куотан Египекка көһөллөр. Бастаан дьэбэриэйдэри үчүгэйдик көрсөллөр 430 сыл эйэлээхтик олороллор. Онтон саҥа фараон баһылыктааһыҥҥа кэлэн төрөөн-ууһаан элбээбит дьэбэриэйдэри кулуттуурга сананар. Дьэбэриэйдэр Таҥара көмөтүнэн кулуттааһынтан босхолонон Египеттан тахсаллар. Моисей көрбүөччү кинилэри Кыһыл байҕалы туоратан Синай хайаҕа аҕалар. Манна Таҥара дьэбэриэйдэргэ 10 ыйыы биэрэр уонна итэҕэллэригэр бэриниилээх буолалларын иһин "аҕабыт хаанылыктаах ытык омук" буолуоххут диэн мэктиэлиир. Мунньах Отуутун тутуҥ диэн дьаһаллыыр. Бу Отууга Кини Үөһээ дойдуттан сиргэ кэлэн Абыраам сыдьааннарыгар мэктиэлэммит Ханаан сирин ылалларыгар илдьэр.

Барыы битигэ 40 бастаах. Ис хоһоонунан икки сороххо араараллар. Бастакыта Кыһыл байҕалы туорааһынынан бүтэр, иккиһэ Таҥара Синай хайаҕа көстүүтүнэн саҕаланар.

Эбии маны көр[уларыт | биики-тиэкиһи уларытыы]