Балбаах тэллэйэ

Балбаах тэллэйэ (лат. Coprinus atramentalius (Bull.:) Fr., нууч. Навозник серый) — үрдүкү тэллэйдэргэ киирэр сиэнэр таҥалайдаах тэллэй.

Үүнэр сирдэрэ: киһи олорор сирдэригэр элбэхтик көстөр, балбаахха үүнэр.

Оҥоһуутун ойуулааһын

Сэлээппэтэ: Эдэр тэллэй сымыыкка майгынныыр, онтон чуораан курдук буолар, кырыыта хайыта барар. Хатырыктардаах, ситтэҕинэ килэрийэр. Диаметра 5-10 см. Күр өҥнөөх, ортотугар арыый хараҥа.
Таҥалайдаах араҥата: Бастаан үрүҥ өҥнөөх, онтон хараҥа-бороҥ, онтон хараарар.
Этэ: Үрүҥ, алдьаттахха хараарар. Кыра түүнүк сыттаах.
Атаҕа: Көҥдөй. Тиэрбэһэ түргэнник сүтэр..

Туттуллуута

Эдэр эрэ тэллэйдэри тута сиэнэр уонна маринуйданар. Минньигэс. Ол гынан баран арыгыны кытта сиэтэххэ (оннооҕор 1-2 күн) сүһүрүөххэ сөп. Сороҕор чэриниилэ тэллэйэ диэн ааттыллар, тоҕо диэтэххэ урут сэлээппэтиттэн улахан суолталаах дөкүмүоннэргэ илии баттыырга чэриниилэ оҥороллор эбит.

Өссө маны көр

• Хатырыктаах бөх тэллэйэ
• Өтөх тэллэйэ