Бикипиэдьийэ:Түүр марафона 2020

БП:К:ТМ2020

Түүр марафона — 2020 сыл бэс ыйыгар ыытыллар биики марафон. Марафон түүрдэргэ сыһыаннаах ыстатыйалары суруйууга ананар. Соруга — араас тылынан тахсар Бикипиэдьийэлэргэ түүрдэр тустарынан ыстатыйалары суруйуу уонна тупсарыы. Күрэс тиэмэтэ омугунан эбэтэр географиянан эрэ муҥурдаммат, түүрдэргэ сыһыаннаах ханнык баҕарар ыстатыйа кыттыан сөп. Марафоҥҥа Бикипиэдьийэ ханнык баҕарар кыттааччыта кыттыан сөп, бэлиэтэммит эрэ буолуохтаах. Ыстатыйа таһыма (ис хоһооно, хаачыстыбата) суолтаны ылбат, ол эрээри сүрүн ирдэбиллэргэ хайаан да хоруйдуохтаах (аллара быраабылатын көр). Этиллибит болдьох иһигэр ирдэбилгэ хоруйдуур ордук элбэх саҥа ыстатыйаны суруйбут киһи кыайыылаах тахсар. Сахаҕа сыһыаннаах ыстатыйалар бу күрэскэ кыттыбаттар. Ол эрээри, атын түүрдэргэ суруйарга сүбэлиир ыстатыйалар испииһэктэрэ баар, ол испииһэккэ киирбит ыстатыйалары көхтөөхтүк тупсарбыт дьоҥҥо анал бириис туттарыллыа.

Кыттарга

Күрэс болдьоҕо

Саҕаланыыта: 2020 сыл бэс ыйын 1 күнэ, Дьокуускай кэминэн сарсыарда 9 чаастан.
Бүтүүтэ: 2020 сыл бэс ыйын 30 күнэ, Дьокуускай кэминэн түүн 24 чааска.
Түмүк от ыйын 5 күнүгэр диэри тахсар.

Күрэс быраабылата

Кыттар дьон:
- Бикипиэдьийэҕэ бэлиэтэммит ханнык баҕарар биирдиилээн дьон.

Ыстатыйаларга ирдэбиллэр (бу ирдэбиллэртэн биирдэстэригэр хоруйдаабат ыстатыйа күрэскэ кыттыбат):
- Ыстатыйаны күрэстэһээччи бэйэтэ күрэс кэмигэр саҕалаабыт буолуохтаах (тупсарыллыбыт ыстатыйа марафоҥҥа кыттыбат).
- Ыстатыйа кырата 2000 баайтаах уонна кырата 150 тыллаах буолуохтаах.
- Бииртэн ордук ис сигэлээх буолуохтаах (Бикипиэдьийэ атын ыстатыйатыгар сигэниэхтээх).
- Бииртэн ордук тас сигэлээх буолуохтаах. Ол аата ханнык эмит төрүккэ (кинигэҕэ, сурунаалга, хаһыакка, саайка) сигэниэхтээх — манна олоҕуран сурулунна диэн.
- Ыстатыйа барыма (биридимиэтэ) суолта киритиэрийигэр хоруйдуохтаах.
- Ыстатыйа туохха эрэ олоҕуруохтаах, ханнык эрэ итэҕэтиилээх төрүккэ сигэниэхтээх.
- Бүүс-бүтүннүү массыына тылбааһа буолуо суохтаах.
- Ыстатыйаҕа суһаллык тупсарар туһунан бэлиэ суох буолуохтаах (холобур, {{Тус чинчийии}}, {{Кытыга суох сыһыан}}, {{Сигэтэ суох}} уо д. а.).
- Ыстатыйа испииһэк буолуо суохтаах.
- Туһалаах билиини биэриэхтээх.
Күрэскэ кыттар дьон хайаан да аналлаах сирэйгэ бэйэҕит суруйбут ыстатыйаҕытын бэлиэтииргит (ол аата бу ыстатыйа күрэскэ кыттар диэн суруйаргыт) ирдэнэр. Оннук бэлиэтэммэтэх ыстатыйа күрэскэ кыттыбат. Угары сатаабат түгэҥҥитигэр сатыыр дьонтон көрдөһүҥ.

Бириис

Бирииһи Түүр бөлөҕө уйунар. Хайдах тиксэрэрин эмиэ бэйэтэ быһаарар. Бириис уопсай пуондата биир бикипиэдьийэҕэ $300 (ол аата быһа барыллаан 22200 солк.)

1 миэстэ — 9000 солк.
2 миэстэ — 6000 солк.
3 миэстэ — 4000 солк.
4 миэстэ — 2000 солк.
5 миэстэ — 1200 солк.

Олохтоох тэрийээччи

HalanTul

Кыттааччылар уонна ыстатыйалар

Кыттааччылар уонна ыстатыйалар испииһэктэрэ манна көстөр Түүр марафона/Кыттааччылар.

Аан дойду

Бикипиэдьийэлэр

Күрэс сүрүн сирэйэ (ааҥыллыы)

Салаалар

Тэрийээччилэр испииһэктэрэ

Көмө

Тугу суруйуоххутун билбэт буоллаххытына 12 Бикипиэдьийэ күрэскэ анаан оҥортообут испииһэктэринэн сирдэтиэххитин сөп.

Түмүк

Күрэскэ 331 ыстатыйа киирдэ. Онтон биирэ — халыып, онон кыттыбат. 11 кыттааччы сайаапка түһэрдэ диэххэ сөп. "Fountain" диэн тэрил ыстатыйа күрэс формальнай ирдэбиллэригэр хоруйдуурун быһаарарга көмөлөстө.

Бастакы буолла Tumarca - ыстатыйатын ахсаана 118.
Иккис буолла Kuchaai - ыстатыйатын ахсаана 103.
Үһүс буолла Луиза Петрова - 73.
Төрдүс - Хабырыыл кыыьа - 20.
Бэһис - Арчы Уола - 5.
Алтыс - Egerman.
Сэттис-ахсыс миэстэни PolinaNik1973 уонна Tusunay түҥэтиннилэр.
Тохсус - Otchut,
10-11 - Сур Бөрө уонна Тэлэкэ.

Кыайбыттарга истиҥ эҕэрдэ! Бирииһи Түүр биикиһиттэрин бөлөҕө быһаарар, онон туох эмит билиннэ да тус бэйэҕитигэр биллэриэхпит. Кыттыбыттарга барыгытыгар Күрэс тэрийээччилэрин уонна күрэскэ кыттыбыт 12 Бикипиэдьийэ аатыттан улахан да улахан махталбын тиэрдэбин! Мантан ынтах атын ыстатыйалары суруйуоххут диэн эрэнэбит! Күрэскэ киирбит ыстатыйалар бары кэриэтэ сүрдээх таһымнаах буолбуттара үөртэ! Ол эрээри, төһө да тупсаҕай ыстатыйа син биир тупсарыллыан сөбүн санатабыт, онон кытаатан салгыы эбэн-сабан биэрэ сылдьыаххыт диэн эрэнэбит. Тэрийээччилэр ааттарыттан, Саха Бикипиэдьийэтигэр Дьүүллүүр сүбэ бэрэстээтэлэ, --HalanTul (ырытыы) 02:03, 4 От ыйын 2020 (UTC)[хоруй]

Эбии