Арчылан (суруйааччы)
Гуринов Афанасий Гаврильевич - Арчылан — бэйиэт, прозаик, саха тылын уонна литэрэтиирэтин идэлээҕэ, суруналыыс.
1962 сыллахха от ыйын 9 күнүгэр Сунтаар улууһугар элбэх оҕолоох ыалга төрөөбүтэ, орто оскуоланы Тойбохойго бүтэрбитэ, "Сунтаар" сопхуоска оробуочайдаабыта. 1980-82 сс. аармыйаҕа сулууспалаабыта. 1987 с. СПТУ-23 үөрэнэ киирбитэ, сварщик-сантехник уонна суоппар-слесарь идэлэрин баһылаабыта.
Саха тылын уонна литератууратын идэтин СГУ-га 1994 с. ылбыта. СГУ-га Түүр тылларыгар аспиратуураҕа үөрэммитэ, саха тылын хаапыдыратыгар ассистеннаабыта. 2006 сыллаахтан «Күрүлгэн» уус-уран сурунаал уонна «Кыым» хаһыат «Кулуһун» уус-уран сыһыарыытын эрэдээктэрэ.
Бастакы хоһоонноро 1980-с сыллар бүтүүлэригэр Сунтаар хаһыатыгар, онтон «Кыым», «Эдэр коммунист» («Сахаада»), «Якутский университет» хаһыаттарга тахсыбыттара. 1990 с. «Сахаада» иһинэн тахсыбыт «Алыптаах түгэн» кинигэҕэ аан бастаан Арчылан диэн ааттаммыта.
Суруйааччылар сойуустарын норуоттар ыккардыларынааҕы түмсүүтүн, Саха Өрөспүүбүлүкэтин Суруйааччыларын уонна РФ Суруналыыстарын сойуустарын чилиэнэ, Саха народнай поэта И.М. Гоголев-Кындыл аатынан бириэмийэ 2005 сыллааҕы лауреата.
Кинигэлэрэ
[уларыт | биики-тиэкиһи уларытыы]- Кыһыл Ойуун таабырына: литературнай-философскай эссе. — Дьокуускай: Новый день, 2003.
- Ол түгэн уораана: сэһэн, кэпсээннэр. — Дьокуускай: Бичик, 2010.
- Хоһооннорум — айыыларым. — Дьокуускай: Ситим-Медиа, 2012.