Аргунов Савва Федорович

Бикипиэдьийэ диэн сиртэн ылыллыбыт
Перейти к навигации Перейти к поиску

Аргунов Савва Федорович 1904 сыллаахха Мэҥэ-Хаҥалас оройуонугар Хаптаҕай нэһилиэгэр төрөөбүтэ, кини бииргэ төрөөбүт быраатынаан  уоттаах сэрии кыттыылаахтара. Сэриигэ быраатын Петры 1941 сыллаахха, онтон Савваны 1943 сыллаахха ыҥырбыттара. Ини биилэр иккиэн дойдуларыгар эргиллибиттэрэ.

Савва сэрииттэн 1943 сыллаахха дойдутугар эргиллибитэ.

Гаврил Гаврильевич Ларионов 1995 сыл ыам ыйын 1 күннэ5ии ахтыыттыттан.

Савва Федорович сэрииттэн кэлэн баран «Алаас» холкуос туруу үлэһитэ буолбута. Хас кыһын аайы Ааллаах Үүнтэн холкуоска таһаҕас тиэйэ 4 сыарҕа атынан айаҥҥа барара. Кыһын устата 2-3 сырыы оҥороро. Иккиэ эбэтэр үһүө буолан айаҥҥа аттаналлара.

Күһүн айаҥҥа барыахтарын иннинэ, сыарҕаларын оҥостоллоро, окпуойтууллара, ол аата саҥа хатыҥ маһынан оҥоһуллубут сыарҕаны ылах тимирдииллэрэ, кэннигэр уонна ойоҕосторугар ат кэлэн күөнүнэн анньыллар мастыыллара, ол эбэтэр үрдүк сыыр түһүтүгэр сиэтиллэн иһэр аттар сыарҕа үрдүгэр тахсыбакка-түспэккэ кэлин туорай окпуой мастан иҥнэллэрэ.

Савва кэпсиир буолара: «Ааллаах Үүҥҥэ барар суол үрдүк хайалары тахсан баран, таҥнары түһэр суоллаах. Хайа үрдүгэр суол көстүбэт, Хаар тохтообот, чыычаах көтөн иһэн үлүйэн өлөн түһэр, тыалыттан сылгы сааҕа сиргэ түспэккэ, көтөн хаалар, киһи силэ эмиэ сиргэ түспэккэ көтөр. Ааттын Силлиэлимэ хайата диэҥҥэ, аллараа дьаамыгар кэлэн, өрөөн аттарбытын аһатан, сынньатан баран, оһоҕу аһатан-сиэтэн, алҕаан баран айанныырбыт», - диирэ.

1970 с. кэнниттэн Савва Хараҕа, быраатыгар Аргунов Петр Федоровичка олорор этэ. Савва өлүөр диэри, 80-ча сааһыгар, холкуоска, сопхуоска үлэлээбитэ.

Савва Федорович 1986 сыллаахха өлбүтэ.