Аргунова Зоя Алексеевна

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Аргунова Зоя Алексеевна

1941 сыллаахха Үөһээ Бүлүү оройуонун Оҥхой нэһилиэгэр төрөөбүтэ.

Оҥхой сүрүн оскуолатыгар 30 сыл начальнай кылаас учууталынан үлэлээбитэ. 1986-1996 сылларга интернат иитээччилэрин уонна начальнай кылаастар учууталларын метордическай холбоһугун салайбыта. Төрөппүтү кытта үлэҕэ болҕомто ууруллан, төрөппүттэр кылаас таһынан ыытыллар үлэлэргэ көхтөөхтүк кытталларын ситиспитэ. Оройуон уонна республика таһымынан ыытыллар педагогическай ааҕыыларга кыттан элбэх Бочуотунай грамоталарынан наҕараадаламмыта. 1989 с. "Старшай учуутал", "Үлэ бэтэрээнэ", 1993 с. "Российскай Федерация норуотун үөрэҕириитин туйгуна" үрдүк аат иҥэриллибитэ. Пенсияҕа тахсан баран төрөөбүт нэһилиэгин историятын хасыһан үөрэтэн, ахтыылары хомуйан "Оҥхой нэһилиэгэ" кинигэ күн сирин көрөрүгэр төһүү күүс буолбута.