Аксой Саадет

Бикипиэдьийэ диэн сиртэн ылыллыбыт

Сааде́т Аксо́й (туур. Saadet Işıl Aksoy) (1983 сыллаахха атырдьах ыйын 29 күнүгэр төрөөбүтэ, Турция) — турок норуотун биллиилээх, биир саамай элбэх хамнастаах, топ артыыһа.

Биографията[уларыт | биики-тиэкиһи уларытыы]

Саадет Аксой аҕата Невшехира диэн куораттан төрүттээҕэ. Ийэтэ Эдирнэ уонна Сиирта куораттартан тымыр сыдьаан тардара. Артыыс дьыалатынан Саадет өссө оскуола сылларыттан саҕалаан сэҥээрэн, дьарыктанан киирэн барыбата. Кини хас даҕаны төгүл турок чааһынай тэлэбиисэргэ каналларыгар муусука уонна киинэ туһунан шоуларга кыттыбыта. Үрдүк үөрэҕи, институту бүтэрэн баран Саадет Аксой бэйэтин анал, идэтийбит киинэ эйгэтигэр холонон көрөргө санаммыта. Ол инниттэн өссө институкка сылдьан артыыс маастарыстыбатын чочуйар араас куурустарга, маастар кылаастарга сылдьыбыта, дьарыктаммыта. Хас да төгүл реклама ролига уһуллуутугар кыттыбыта, сэрийээллэргэ, кылгас кэрчиктээх киинэлэргэ холонон көрбүтэ.

2002 уонна 2004 сыллар быыстарыгар кини 1 каналга тэлэбиисэргэ аан бастакытын ыытааччы быһыытынан тахсыбыта. Ол кэнниттэн 2005 сыллаахха Саадет Аксой аан бастакытын артыыс быһыытынан "Осенний огонь" киинэҕэ оонньообута. 2006 сылаахха Саадет Америкаҕа АХШ көһөн барбыта уонна Нью-Йорк куорат киинэҕэ академиятыгар үөрэҕин саҕалаабыта. Кэлиҥҥи сылларга кини турок араас хабааннаах уонна таһымнаа киинэ сэрийээллэригэр элбэхтик уһуллубута. Ол иһигэр маннык биллэр киинэлэр бааллара: Senden Baska, Kalpsiz Adam, Balkan Wedding.

2012 сыллаахха Саадет "Рождённый дважды" диэн ааттаах Серджио Кастеллитто киинэтигэр уүуллубута. Онно кини Аски диэн кыыс оруолун толорбута. Кини Арассыыйа көрөөччүлэригэр, бастатан туран, «Великолепный век» диэн элбэх сиэрийэлээх киинэҕэ оонньообутунан биллэр уонна аатырар.

Сигэлэр[уларыт | биики-тиэкиһи уларытыы]