Айхан Каан

Бикипиэдьийэ диэн сиртэн ылыллыбыт
Перейти к навигации Перейти к поиску

Каа́н Айха́н (туур. 'уонна ниэм. Kaan Ayhan; 1994 сыллаахха сэтинньи 10 күнүгэр төрөөбүт, Гельзенкирхен, Германия) — Турцияттан төрүттээх ниэмэс биллэр футболиһа, «Фортуна» (Дюссельдорф) футбол кулуубун уонна Турция сүүмэрдэммитт национальнай хамаандатын көмүскээччитэ.

Кулуупка карьерата[уларыт | биики-тиэкиһи уларытыы]

Каан 1994 сыллаахха Германия Гельзенкирхен куоратыга күн сирин көрбүтэ. Олох кыратыттан, түөрт сааһыттан саҕалаан «Шальке 04» диэн оҕо футболга хамаандатыгар дьарыктаммыта. Айхан кыра сааһыгар Гельзенкирхен куорат оҕолорго уонна ыччаттарга хамаандатын састаабыгар киирэн, футбол күрэхтэһиилэригэр кыттыбыта. Ыччат хамаандатыгар сылдьан 17 сааһыгар барыта холбоон 39 күрэхтэһиигэ кыттыбыта уонна олорго 15 төгүл гол киллэрбитэ, 9 төгүл гол буолбут пааһы тэппитэ. 2012 сыллаахха 19 саастарыттан аллараа саастаахтарга ниэмэс Бундеслигатын чөмпүйүөнэ, кыайыылааҕа буолбута.

2012 сыл тохсунньу 18 күнүгэ олоҕор бастакы профессиональнай хантараагын түһэрсибитэ. Хантараага икки сыл болдьохтоох этэ, 2013 сыл от ыйыттан саҕаламмыта. 2013 - 2014 сыллардааҕы футбол сезонуттан саҕалаан Бундеслига мачтарын сайаапкатыгар киирэн барбыта. 2013 сыллаахха алтынньы 5 күнүгэр «Шальке 04» туһугар аан бастакытын тахсыбыта. Онно кини «Аугсбурга» хамаанда утары киирсиигэ атын футболиһы солбуйбута. 2013 сыллаахха сэтинньи 4 күнүгэр Айан Каан кулуубу кытта хантараагын 2017 сылга диэри уһаппыта.

2016 сыллаахха тохсунньу 3 күнүгэр Айханы Франкфуртааҕы «Айнтрахт» кулууп сезон бүтүөр диэри куортамнаах, харчыга уларсан ылбыта. Ол сыл кини атырдьах ыйын 31 күнүгэр Дюссельдорф «Фортуна» кулуубугар көспүтэ.

Сүүиэрдэммит хамаандаҕа[уларыт | биики-тиэкиһи уларытыы]

2011 сыллаахха Каан Германия оҕолорго сүүмэрдэммит хамаандатын састаабыгар Европа чөмпүйэнээтигэр кыттыбыта.

2013 сыллаахтан Айхан Турция ыччаттар ортолоругар фудболга сүүмэрдэммит хамаандатын туһугар оонньуурга быһаарыммыта. Бастакы күрэхтэһиитэ 2013 сыллаахха алтынньы 11 күнүгэр буолбута.

Бэлиэтээһиннэр[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]