Адамов Евсей Гаврильевич

Адамов Евсей Гаврильевич — Үөһээ Бүлүү Сургуулук нэһилиэгэр үлэлээбит биэлсэр

Сургуулукка ФАП сэбиэдиссэйинэн 1980 с. 25 сааһыгар кэлбитэ. Бу иннигэр Yөһээ Бүлүүгэ суһал көмө фельдшеринэн үлэлээбитэ. Ол кэмҥэ балыыһа үс уопсай, биир родильнай койкалаах эргэ дьиэҕэ үлэлиирэ. Ол саҕана тыаҕа фельдшер үлэтэ билиҥҥи курдук буолбатаҕа. Кэлэргэ-барарга транспорт суоҕа, сибээс быстар мөлтөҕө. Нэһилиэнньэ киэҥ сиринэн тайаан сытара. Киэҥ Күөл, Көтөрдөөх учаастактарын хабан үлэлииллэрэ. Итилэр балтараалыы, иккилии көстөөх сирдэр. Сайынын хас да сиргэ сайылык фермалара. Олорго хайаан да 1-2 бииригэр дылы саастаах оҕо баар буолара. Патронажка элбэх бириэмэ барара.

Балыыһаҕа кыһынын-сайынын ыарыһах толору буолара. Эбиитин төрүүр дьахталлар үгүстэрэ Сургуулукка оҕолоноллоро. Онон тыаҕа саҥа үлэлээн эрэр киһи салла быһыытыйбытын кэннэ урукку фельдшер үлэтигэр киирэн эһээм дьэ үөһэ тыыммыта. Уопуттаах, кырдьаҕас эмчит Прокопьева Варвара Сергеевна субэтэ-амата үлэни лаппа чэпчэтэрэ.

Хроническай ыарыылаах элбэх кырдьаҕас дьон баара. Нэдиэлҕээ биирдэ-иккитэ хайаан да ыҥыран доруобуйаларын бэрэбиэркэлэтэллэрэ, сүбэ-ама эрэйэллэрэ. Дьэ ол кэннэ хайаан да чэйдэтэн, сэһргэтэн атаараллара. Сылаҥҥа олорор Моеков Данил (Моой Тайыла) хааннааһыҥҥа, түөн уурарга үөрэппитэ. Онто кэлин элбэхтэ туһалаабыта. Сэбиэскэй саҕана итинник эмтээһини кытаанахтык боболлоро.

Бу үлэлиир кэмнэригэр Тарасова Даша-Маша диэн дьикти ааттаах, Боотулуу кыыһа үлэлээн сылдьыбыта. Санитаркаларынан Угарова Мария, Ксенофонтова Настаа үлэлээбиттэрэ.

Маҥнай кэлэригэр Евсей Гаврильевич кэргэнэ Соргоева Мария Кирилловна медсестралыыр этэ. 1983 с. атын үлэҕэ кеспутэ. Билигин кэргэнин кытта Сургуулук нэһилиэгигэр эйэ дэмнээхтик 40 сылын олорор, 4 оҕолоохтор уонна 8 сиэннээхтэр. Көтөх хаһаайыстыбалаахтар. Сайыннарын оттоон, кыһыннарын куускэ үлэлээн олороллор.