Авксентьева Сардаана Владимировна

Бикипиэдьийэ диэн сиртэн ылыллыбыт
Перейти к навигации Перейти к поиску
Сардаана Владимировна Авксентьева
Сардана Авксентьева.jpg
Төрөөбүт аата:

(төрөөбүт толору аата)

Төрөөбүт күнэ:

От ыйын 2 1970 (1970-07-02) (age 48)

Төрөөбүт сирэ:

Дириҥ, Чурапчы улууһа, Саха Сирэ

Гражданствота:

Арассыыйа

Үөрэҕэ:

1. СГУ - История учуутала
2. Судаарыстыбаннай сулууспа Дальневосточнай академията - Судаарыстыбанан салайыы

Омуга:

саха

Үлэтэ:

Дьокуускай куорат баһылыга

Сардаана Владимировна Авксентьева Биики-ыскылаакка

Сардаана Владимировна Авксентьева (02.07.1970) – Дьокуускай куорат баһылыга, Россия политига, түмсүү уонна судаарыстыба үлэһитэ.

Сардаана Владимировна Авксентьева Саха сиригэр Чурапчы улууһугар от ыйын 2 күнүгэр 1970 сыллаахха төрөөбүтэ. Историяны уонна юриспруденцияны тэҥинэн үөрэтэр хайысхалаах Саха судаарыстыбаннай университетыгар «История учуутала» идэҕэ үөрэнэн 1993 сыллаахха бүтэрбитэ. 1998 сыллаахха судаарыстыбаннай сулууспа Дальневосточнай академиятын «Судаарыстыбанан салайыы» салаатын бүтэрбитэ.[1].


Олоҕун олуктара[уларыт | биики-тиэкиһи уларытыы]

Маҥнайгы үлэтин Дьокуускайдааҕы ВЛКСМ Өктөөп оройуоннай кэмитиэтигэр саҕалаабыта.[2].

1993-1996 сылларга эдэр ыччат, спорт, эт-хаан сайдыытын, физическэй култуура дьыалаларыгар Дьокуускайдааҕы дьаһалта тэрилтэтигэр специалиһинэн үлэлээбитэ. 1996 сыллаахха эдэр ыччат, туризм, Саха сиринээҕи спорт, эт-хаан сайдыытын, физическэй култуура Республика норуотун хаһаайыстыбатын тустаах салаатын үрдүкү учреждениетыгар сүрүн специалиһинэн, начальнигынан үлэлииргэ көспүтэ. 1998 сылтан саҕалаан 2000 сылга диэри «Саха» Национальнай көрдөрөр-иһитиннэрэ хампаанньаҕа каадарабай түмсүү начальнигынан үлэлээбитэ.

2000 сылга Сардаана Владимировна Арассыыйа Судаарыстыбаннай Думатын депутатын Виталий Николаевич Басыгысов көмөлөһөөччүтүнэн ылыллыбыта. 2004-2007 сылларга ОАО «Туймаада Даймонд» компанияҕа генеральнай директор солбуйааччытынан, онтон 2007-2012 сылларга Дьокуускай куорат баһылыгын солбуйааччытынан үлэлээбитэ. 2012 сылга Дьокуускайдааҕы аэропорт «Аэроторгсервис» оҥорон таһаарар коммерческай комплекс директора буолбута.[3].

2018 сыллаахха балаҕан ыйыгар Дьокуускай куорат баһылыгын талыы быыбарыгар элбэх куолаһы ылан кыайбыта. Сардаана Владимировна хайа даҕаны партийнай түмсүүгэ киирбэт. Быыбарга «Единай Россия» партия претендентын (31,70%), 39,98% куолаһы ылан кыайыылаах тахсыбыта[4].[5][6].


Баһылык үлэтин саҕалаан бастакы ыйдарга Сардаана Владимировна судаарыстыба бюджетын харчытын сиэбит сыаналаах джип массыыналары атыыга туруорбута, уулуссаларга олбуору көрөр, ыраастыыр үлэһиттэри баар оҥорбута, суолу оҥоруу мөлтөх үлэни туппатаҕа уо.д.а. Билигин Дьокуускай куорат баһылыгынан ситиһиилээхтик үлэлии сылдьар.

Быһаарыылар[уларыт | биики-тиэкиһи уларытыы]

Өссө маны аах[уларыт | биики-тиэкиһи уларытыы]

Ссылки[уларыт | биики-тиэкиһи уларытыы]