Холера

Бикипиэдьийэ диэн сиртэн ылыллыбыт
Холера
Cholera bacteria SEM.jpg
Vibrio cholerae бактерията электроннай микробунан көрдөххө
МКБ-10 A00.
МКБ-9 001
DiseasesDB 29089 29089
MedlinePlus 000303 000303
eMedicine med/351  med/351 
MeSH D002771 D002771

Холера диэн сыстыган ыарыы аата. Vibrio cholerae диэн бактерия үөскэтэр. Vibrio cholera тууһа суох уу туустаах ууну кытта булкуйарыгар үксүгэр сиригэр тарҕанар, холобур курдук өрүс муораҕа киирэригэр. Уу үүнээйилэрэ элбэх сиригэр үөскүүр.


Ыарыы биллиитэ[уларыт]

Холера диэн ис ыарыыта. Киһи иһэ ыалдьар, сыптарынныыр уонна хотуолуур. Дегидрацияҕа тиэрдиэн сөп, дьон өлүөн сөп.

Хайдах ыалдыахха сөбүй[уларыт]

Холера бактерията

Холера бактерияларынан киртийбит ууну эбэтэр аһы сиэтэххэ ыалдьаллар.

Сороҕор дьон сөптөөхтүк буспатах балыктан ыалдьыан сөп. Ону тэҥэ холеранан ыалдьа сылдьар киһи таарыйан буһарбыт аһа эмиэ сыстыганнаах буолар. Дьон үксүгэр кирдээх ууну иһэн ыалдьар.

Холераттан эмтэнии[уларыт]

Холеранан ыальдар дьон эмтэниэн наада. Улахан өттүнэн ууну сүтэрбэтин курдук элбэх ууну уонна туустары биэрэллэр.

Сорох дьон олус күүстээхтик хотуолууллар, ол иһин сатаан испэт буолаллар, оччоҕуна капельницанан вена иһигэр киллэрэллэр.

Хайдах холера турбатын хааччыйыы[уларыт]

Холеранан ыалдьыбат туһугар маннык гыныахха наада:

  • Буспатах балыгы сиэбэт (ордук чуолаан моллюсктары уонна майгынныыр харамайдары.)
  • Ыраастык туттунуу. Ол аата малы ыраастык тутуу уонна киһи иигэ-сааҕа ууга киирбэт буолуутун хааччыйыы.
  • Ууну иһиэн иннинэ оргутуу, фильтрдааһын уонна хлордааһын. (Оргутар ордук буолар.)

Тас сигэлэр[уларыт]