Тэтчер Маргарет

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Баронесса Тэтчер

Төрөөбүтэ 13 Алтынньы 1925(1925-10-13)
Грэнтам, Линкольншир, Англия
Өлбүтэ 8 Муус устар 2013 (сааhыгар 87)
Лондон, Англия
Residence Улуу Британия Улуу Британия
Омуга Британия

Маргарет Хильда Тэтчер, Баронесса Тетчер LG OM PC FRS (төрүүрүгэр аата Маргарет Хильда Робертс; 13 алтынньы 1925 – 8 ыам ыйа 2013) Британияҕа бастакынан премьер-миниистир буолбут дьахтар. 1979 сыллаахтан 1990 сыллаахха дылы үлэлээбитэ[1] Консерватордар баартыйаларын 1975 сыллаахтан 1990 сыллаахха дылы дьаһайбыта. Кинини үгүстүк "Тимир Дьахтар" (Железная Леди) диэн ааттыыллара, бу хос ааты ССРС суруналыыһа биэрбит эбит[2]

Эрдэтээҥи олоҕо[уларыт | биики-тиэкиһи уларытыы]

1925 сыл алтынньы 13 күнүгэр Грэнтам диэн сиргэ төрөөбүтэ. Аҕата Альфред Робертс Нортхэмптонширтан төрүттээх, онтон ийэтэ Беатрис Эдель (кэргэн тахсыан иннинэ Стефенсон) Линкольнширтан төрүттээҕэ. Маргарет Оксфорд Сомервиль колледжыгар үөрэммитэ. 1959 сыллаахха Парламеҥҥа үлэтин саҕалаабыта. 1970 сыллахха Үөрэх сэкиритээрэ буолбута.


Премьер-Миниистирдиир кэмэ[уларыт | биики-тиэкиһи уларытыы]

Тэтчер Британия аармыйатын 1982 сыллаахха Аргентина Фолклэнд арыыларын төттөрү ыларга бирикээс биэрбитэ. Фолклэнд сэриитин бириэмиэтигэр Аргентина ол арыыны ыла сылдьыбыта. Тетчер Англия историятыгар иккис саамай уһуннук олорбут премьер-министр этэ. Денис Тетчерга кэргэн тахсыбыта уонна икки игирэлэммиттэрэ: Марк уонна Кэрол.[3]

Тетчер АХШ президенын Рональд Рейганы кытта 1988 сыллаахха

1984 сылларга 1985 Маргарет Тэтчер утары улахан хамсааһын баар буола сылдьыбыт, ол кэнниттэн чоҕу хостооччулар профсоюзтарыттан политическай күүстэрин былдьаабыт. Ол кэнниттэн Тэтчер киллэрэ сатаабыт биир кэлим нолуогу кэнниттэн эмиэ хамсааһын баар буола сылдьыбыт.Тэтчер премьер-министр эрдэҕинэ үлэтэ суох буолуу олус үрдээбит, 1982 сыллаахха үс мөл. киһи үлэтэ суох сылдьыбыттар. 80-c сыллар бүтүүтүн диэки эрэ аччаан барбыт. Маны Тэтчеры өйөөччүлэрэ экономика структуратын уонна үлэ ырыынагын уларыйбыта диэн ааттыыллар.

Англия үрдүнэн дьон кинини сөбүлээбэттэр, тоҕо диэн профсоюзтары сөбүлээбэт этэ. Профсоюзтар 1970-с сылларга элбэх күүстээх эбит буоллахтарына Тетчер кэлэн кинилэр күүстэрин барытын былдьаабыта уонна ол кэнниттэн Британия промышленноһыгар профсоюз сабыдыала олус кыччаабыт.

Тэтчер билиҥҥи бириэмэҕэ дылы Британия премьер-министрдарыттан уонна Консервативнай партия лидердарын быыстарыгар соҕотох дьахтар буолар.

Олоҕо[уларыт | биики-тиэкиһи уларытыы]

1949 сыл олунньутугар Дартфорд куоракка үлэлии сылдьан Денис Тэтчеры кытта билсибитэ. Кинилэр 1951 сыл ахсынньы 13 күнүгэр Лондоҥҥа Весли часовнятыгар бэргэһэлэммиттэрэ. Игирэ оҕоломмуттара 1953 сыллаахха, Кэрол уонна Марк.

Премьер-миниистирдээн бүтэн баран[уларыт | биики-тиэкиһи уларытыы]

Кэргэнэ Денис 2003 сыллаахха ноорун рагыттан ыалдьан олохтон туораабыта. Олоҕор кэлин өйө мөлтөөбүтэ уонна араас норуокка тахсыыны 2002 тохтоппута.[4] Ол кэнниттэн церемонияларга иккитэ- 2004 сыл Рональд Рейган көмүүтүгэр тахса уонна 2006 сыллаахха Тэтчер Вашингтоҥҥа АХШ балаҕан ыйын 11 күнүн саба түһүүтүн мемориальнай церемониятыгар кыттыбыта. АХШ вице-президена Дик Чейни ыалдьытынан сылдьыбыта уонна ил секретарын кытта Кандолиза Райсы кытта кэпсэппитэ.

Өлүүтэ[уларыт | биики-тиэкиһи уларытыы]

Сүрэҕэ тохтоон 2013 сыл муус устар 8 күнүгэр олохтон туораабыта. [5] Сибэтиэй Павел собуоругар көмүү церемониятыгар Британия королевата Элизавета II уонна Принц Филипп сылдьыбыттара. Премьер-миниистир көмүүтүгэр королева иккистээн кыттыбыта.

Быһаарыылар[уларыт | биики-тиэкиһи уларытыы]

  1. BBC History - Margaret Thatcher. BBC. Тургутулунна 8 Муус устар 2013.
  2. Frei, Matt Washington diary: Best of friends?. BBC News (24 Алтынньы 2007). Тургутулунна 5 Балаҕан ыйын 2009.
  3. Essential Margaret Thatcher | Margaret Thatcher Foundation. margaretthatcher.org (2011 [last update]). Тургутулунна 18 Муус устар 2011.
  4. Book Recounts Margaret Thatcher's Decline. CBS News (11 February 2009). Тургутулунна 8 Муус устар 2013.
  5. Ex-Prime Minister Baroness Thatcher dies. BBC News (8 April 2013). Тургутулунна 8 Муус устар 2013.