Телевидение

Бикипиэдьийэ диэн сиртэн ылыллыбыт
Урут тахса сылдьыбыт телевизор

Телевидение диэн салгын нөҥүө тарҕатыллар сигналы видео уонна истэр аудио көрдөрөр массыынаҕа таһаарыы. Урукку грэк tele - ыраах уонна vision - көрүү диэн тыллартан тутуллан турар.

Сороҕор дьааһык курдук оҥоһуллар. Урут тахса сылдьыбыт моделлар мас рамалаах этэ, уонна муостаҕа атахтаах туруоруллар этэ. Билигин тахсар аппарааттар быдан чэпчэки уонна чараас буолаллар. Араас сигнал хартыынатын көрдөрүөҕүн сөп. Бастаан антенна нөҥүө кэлэр сигналы көрдөрөр этэ, онтон кэнники сылларга араас видео, дивиди, камера, спутниковай телевидение уонна да араас тэриллэри холбуохха сөп. Оонньуур консоллары эмиэ холбуохха сөп. Сорох компьютердары эмиэ холбоон, монитор курдук туттуохха сөп.

Бары телевизордар экрааннаахтар, онно хартыыната көстөр. 1970 сыллардаахха дылы тэлбэбиисэр барыта хара-маҥан ойууну көрдөрөр этэ, онтон билигин бары өҥнөөх ойууну көрдөрөллөр. Экрана эмиэ уларыйбыта - урут квадратнай этэ, онтон билигин кинтеатрга дылы форматын кэҥэппитэ.

Телевизор тутуута эмиэ уларыйбыта - урут ЭЛТ (электронно-лучевой трубка) этэ, онтон билигин ЖЭК(жидко электрическай кристалл) уонна плазма телевизордар тахсаллар.