Суон тумус

Бикипиэдьийэ диэн сиртэн ылыллыбыт
Суон тумус
Coccothraustes coccothraustes

Суон тумус (нууч. Обыкновенный дубонос, лат. Coccothraustes coccothraustes) — Саха сирин соҕуруу уонна киин улуустарыгар дэҥҥэ көтөн кэлэр чыычаах. Бу Чооруостуҥулар кэргэннэригэр киирэр Суон тумустар уустарын Саха сиригэр көстөр соҕотох көрүҥэ. Байкаал кытыытыгар уйаланара биллэр.

Тумса суон, модьу-таҕа, кутуруга кылгас. Атыырын төбөтө хараҥа хоҥор, хабарҕата, тумсун тулата, кынаттара уонна кутуруга хара буолар. Алараа өттө бороҥ, розатыҥы. Өрөҕөтө маҥан, кутуругар уонна кынаттарыгар эмиэ маҥан бээтинэлэрдээх. Тыһыта өҥө арыычча сырдык. Атыыра кынатын уһуна - 95-107 мм, ыйааһына - 47-62 г, тыһыта: 95-107, 40-58.

Кыһын биирдии эбэтэр 3-5 буолан ойуурдарга, иирэ талахтарга сылдьар буолаллар. Аһылыга үүнээйи туораахтара уонна астара.

Туһаныллыбыт сирэ[уларыт]

  • Знаете ли вы птиц Якутии, Б. И. Сидоров, Бичик, 1999, ISBN 5-7696-0956-7