Попов Константин Дмитриевич
Попов Константин Дмитриевич (1919—1943) — Дьокуускайдааҕы пионердар дыбарыыстарын дириэктэрэ, архивист, авиацияҕа сулууспалыы сылдьан Аҕа дойду Улуу сэриитигэр өлбүтэ.
1919 сыллаахха Бүлүү куоратыгар төрөөбүт. 1935 с. Бүлүүтээҕи ситэтэ суох орто оскуоланы бүтэрэн баран, Дьокуускайдааҕы медицина техникумугар үөрэнэ киирбит. Кэлин Дьокуускайдааҕы пионердар дыбарыастарын дириэктэринэн, Саха Сиринээҕи обком партийнай архыыбын старшай архивиһынан үлэлээбит. Дьокуускайдааҕы аэроклубка үөрэммит, Челябинскайдааҕы байыаннай авиация училищетын бүтэрбит. Сэриигэ бастакы күннэриттэн сылдьыбыт. 54-с бомбардировочнай авиаполкаҕа Москуба анныгар кыргыспыт.[1]
Старшай сержант Попов 1943 сыллаахха кулун тутар 20 күнүгэр өлбүт. Орел уобалаһыгар Новосильскай оройуон Верховье сэлиэнньэтигэр көмүллүбүт.[2]
Быһаарыылар[уларыт | биики-тиэкиһи уларытыы]
- ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.
- ↑ Информация в электронном банке документов ОБД «Мемориал»
Сигэлэр[уларыт | биики-тиэкиһи уларытыы]
«Вылетаю бомбить фашистских бандитов» / Н. Дмитриев // Юность Севера. — 2004. — 22 сентября