Корунд

Бикипиэдьийэ диэн сиртэн ылыллыбыт
Корунд

Корунд — алмаас кэнниттэн саамай кытаанах күндү таастар көрүҥнэрэ. Химия өттүттэн корунд — алюминиум оксида, формулата Al2O3; араас өҥнөрү хром, тимир, ванадий уонна да атын элэмиэннэр холбоһуктара биэрэллэр. Моос шкалатыгар бу таас эталоннартан биирдэстэрэ, кытаанаҕа 9,0. Ювелир уустар былыр былыргаттан өҥнөөх корунд таастарга тус туһунан ааттары иҥэрбиттэр. Кыһыл корунд холобур рубин диэн ааттаах, халлаан күөх корунд — сапфир.

Ювелир уустар туттар коруннарын уруккуттан Мьянмар, Тайлаан, Индия (Кашмир штаат), Мадагаскар уонна Сри Ланка сирдэригэр хостууллар. Казахстааҥҥа, Канаадаҕа, Норвегияҕа, АХШ-ка эмиэ хостууллара биллэр. Арассыыйаҕа коруннар үөскээбит сирдэрэ Приморьеҕа, Ураалга, Красноярскай кыраайга уонна Челябинскай уобаласка бааллар.

Туһаныллыбыт сирдэр[уларыт]

  • Всё о драгоценных камнях. Стоун Джаспер. СПб, ООО "СЗКЭО", 2009. - 176 с. ISBN 978-5-306-00346-7