Колбунов Владимир Акимович

	Колбунов Владимир Акимович
Төрөөбүт күнэ	27 от ыйын 1911
Төрөөбүт сирэ	Ростовка д., Большереченскай оройуон, Омскай уобалас, Россия империята
Өлбүт күнэ	6 алтынньы 1998 (87 сааһыгар)
Сулууспалаабыт дойдута	ССРС
Сулууспалаабыт сыллара	1937—1939; 1941—1945
Солото	Старший сержант
Кыргыһыылар/сэриилэр	Аҕа дойду Улуу сэриитэ Днепр иһин кыргыһыы;
	«Берлины ылыы иһин» мэтээл

Колбунов Владимир Акимович (27.07.1911, Ростовка д., Омскай уобалас — 06.10.1998) — Саха Сириттэн сэриигэ ыҥырыллыбыт Сэбиэскэй Сойуус Дьоруойа. Киин фронт 61-с армиятын 81-с стрелковай дивизиятын 467-с стрелковай полкатын разведкатын взводун отделениетын хамандыыра, старшай сержант.

Олоҕун олуктара

1911 сыл от ыйын 27 күнүгэр Омскай уобалас Большереченскай оройуонугар Ростовка дэриэбинэҕэ бааһынай дьиэ кэргэнигэр төрөөбүт. Нуучча. ВКП(б)/КПСС 1943 с. чилиэнэ. Орто ситэтэ суох үөрэхтээх, колхозка үлэлээбит.

1937—1939 сс. Уһук Илин кавалерия полкатыгар сулууспалаабыт.

Сэрии иннинэ Ааллаах Үүн приискаларыгар, Хаҥалас шахтатыгар үлэлээбит.

1941 сыллаахха баҕа өттүнэн фроҥҥа ыҥырыллыбыт.

ССРС Үрдүкү Сүбэтин Президиумун 1944 сыл тохсунньу 15 күнүнээҕи Ыйааҕынан бойобуой сорудахтары уһулуччулаахтык толорорун, көрдөрбүт хорсун, геройдуу быһыытын иһин сержант Колбунов Владимир Акимовичка Сэбиэскэй Сойуус Геройун аата иҥэриллибитэ.

Берлиҥҥэ тиийэ сэриилэспит. 1945 сыллаахха Кыайыы Парадыгар кыттыбыт.

Сэрии кэнниттэн Дьокуускайга, Мирнэйгэ үлэлээбит. Саха АССР Үрдүкү Сүбэтин депутатынан талылла сылдьыбыт.

1998 сыл алтынньы 6 күнүгэр өлбүт.

Наҕараадалара уонна ытык ааттара

«Кыһыл көмүс Сулус» мэтээл (№ 1668) (15.01.1944)^[1]^[2]^[3]
Ленин уордьана (15.01.1944)
Икки Кыһыл Знамя уордьана
Аҕа дойду сэриитин I ст. уордьана (06.04.1985)^[4]
Икки «Хорсунун иһин» мэтээл (23.08.1942^[5]; 13.09.1943^[6])
«Бойобуой өҥөлөрүн иһин» мэтээл
«Аҕа дойду Улуу сэриитигэр Германияны кыайыы иһин 1941-1945 сс.» мэтээл
«Берлины ылыы иһин» мэтээл
Ытык горняк
Саха АССР норуотун хаһаайыстыбатын үтүөлээх үлэһитэ
Мирнэй куорат ытык киһитэ

Аатын үйэтитии

Мирнэй куоракка Ленин уулуссатын 10-с нүөмэрдээх дьиэтигэр (олорбут дьиэтэ) өйдөбүнньүк бэлиэ туруоруллубут.
В. А. Колбунов аатынан улахан 76,15 караттаах алмаас ааттаммыт.

Быһаарыылар

↑ Наградной лист в электронном банке документов «Подвиг Народа»
↑ Указ Президиума Верховного Совета в электронном банке документов «Подвиг Народа»
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.
↑ Карточка награждённого к 40-летию Победы в электронном банке документов «Подвиг Народа»
↑ Наградные документы в электронном банке документов «Подвиг Народа»
↑ Наградные документы в электронном банке документов «Подвиг Народа»

Сигэлэр

Колбунов Владимир Акимович. Cитим-сир «Герои Страны».

Якутяне - Герои Советского Союза и Российской Федерации кавалеры ордена Славы 3-х степеней

[1] Наградной лист в электронном банке документов «Подвиг Народа»

[2] Указ Президиума Верховного Совета в электронном банке документов «Подвиг Народа»

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

[4] Карточка награждённого к 40-летию Победы в электронном банке документов «Подвиг Народа»

[5] Наградные документы в электронном банке документов «Подвиг Народа»

[6] Наградные документы в электронном банке документов «Подвиг Народа»

[1]

[2]

[3]

[4]

[5]

[6]