Ильяна Павлова

Ильяна Семеновна Павлова (06.12.1980) - Саха Өрөспүүбүлүкэтин үтүөлээх артыыската, Былатыан Ойуунускай аатынан Саха академическай тыйаатыр артыыската, тыйаатыр уонна киинэ артыыската.

Олоҕун олуктара

• 1980 сыл ахсынньы 6 күнүгэр Булуҥ улууһун Таймылыыр бөһүөлэгэр күн сирин көрбүтэ.
• 2002 сыллаахха М.С.Щепкин аатынан театральнай училищены бүтэрбитэ уонна Саха тыйаатырыгар үлэҕэ киирбитэ.

Айар үлэтэ

Тыйаатырга оонньуур сүрүн оруоллара:

• эдэр Одьулуун – Н.Лугинов «Чыҥыс Хаан ыйааҕынан»,
• Кыыс Кыскыйдаан – П.Ойуунускай «Туналҕаннаах ньуурдаах Туйаарыма Куо»,
• леди Макбет – Э.Ионеско «Макбет»,
• Адела – Г.Лорка «Иччитэх дьиэ»,
• Маша – А.Чехов «Үс аҕас-балыс»,
• Томуора - У.Шекспир «Тиит»,
• үөрэнээччи - В.Харысхал «Учуутал»,
• Кэтэриис - А.Дойду «Мэҥэ халлаан оҕото Манчаары Баһылай»,
• Мотуруос - П.Ойуунускай «Оҕоҕо баҕарбыт»,
• Аргундьа – П.Ламутскай «Сир иччитэ»,
• Аллаах Алааппыйа - Н.Неустроев «Тиэтэйбит»,
• Хлопов ойоҕо - Н.Гоголь «Ревизор»,
• Долгунча - В.Харысхал «Тэпсиллибэт үтүө аат»,
• Малаанньыйа - Н.Якутскай «Төлкө»,
• Суоппуйа - Д.Таас «Кыһыл көмүс хоруоп»,
• Диаманте – Л.Пиранделло «Хайа аарымалара»,
• Эбэ Хотун - П.Ойуунускай «Кээрэкээн»,
• Ньуоралдьыма Куо - П.Ойуунускай «Имииһит түүлэ»,
• скрипачка - Л.Пиранделло «Театрга буолбут түбэлтэ…»,
• Натаа – М.Горькай «Тимир Баасса»,
• Даарыйа -  Д.Наумов «Сандаарар сарыал саллааттара» уо.д.а.

Олоҥхо тыйаатырыгар оруола: Аан Чаҥый – А.Сарын «Эллэй Боотур».

Омук киинэтигэр оруола: Эмили – «Сердце медведицы», режиссер Арв Ихо (Эстония, Финляндия).

Россия киинэтигэр оруола: Одьулуун – «Чыҥыс Хаан кистэлэҥэ», режиссер А.Борисов.

Саха киинэтигэр оруоллара: Даайа – «Куораччыт», режиссер М.Лукачевскай, Настя – «Манчаары», режиссер А. Гаврильева, кытай кыыһа – «Покидая благоухающую гавань», режиссер С.Ооржак, Юля - «Ыаллыылар 2» сериал, режиссер А.Кириллин, Эльвира – «Айыы уола», режиссер Э.Новиков, баһылык ойоҕо – «Кытыл», режиссер Р.Тараховскай, Жанна – «Күүдээринэ күүрээн» сериал, режиссер М. Платонова, удаҕан – «Иччи», К.Марсан уо.д.а.