Аан дойдутааҕы харчы пуондата

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
IMF сүрүн дьиэтэ, Вашингтон

Аан дойдутааҕы харчы пуондата (ааҥл. International Monetary Fund, нууч. Междунаро́дный валютный фонд) - ХНТ иһинэн үлэлиир үп тэрилтэтэ.

Бу тэрилтэни тэрийэр туһунан этии 44 дойду бэрэстэбиитэллэрэ сүбэлэһэр Бреттон-Вудтааҕы 1944 сыллаахха от ыйыгар буолбут кэмпириэнсийэлэригэр киирбитэ. Этии сүрүн соруга валюта куурсун өйүүргэ туһаайыллыбыт этэ. Онон этиини олохтооҕунан ааҕаннар тэрилтэ 1945 сыллаахха кулун тутар 1 күнүгэр олохтоммута. ССРС бу кэмпириэнсийэҕэ кыттыбыта эрээри бу докумуону ратификациялаабатаҕа[1].

Билигин МВФ чилиэннэринэн 180-тан тахса дойду буолаллар.

Сүрүн соруктара[уларыт | биики-тиэкиһи уларытыы]

  • Валюталар куурустарын бигэ туруктаах оҥоруу
  • Дойдулар төлөбүрдэрин балаансын дэписсиитин быстах кэмҥэ үбүлээһин
  • Дойдуларга үп-харчы эйгэтигэр сүбэ биэрии
  • Техническэй өттүнэн көмөлөһүү.

МВФ чилиэннэрэ пуондаҕа усунуос киллэрэллэр. Куоластыырга аан дойду эргиэнигэр дойду ирээтэ, дойду дохуота уонна төһө харчыны резерваҕа биэрбитэ ааҕыллар. АХШ куолаһа, холобур, ханнык да дойдуттан 2 төгүл ордук.

МВФ дойдулары дьаһайар кыаҕа суох, ол эрээри иэс харчы биэриэ суоҕун сөп.

Өссө маны көр[уларыт | биики-тиэкиһи уларытыы]

Аан дойду Баана

Быһаарыылар[уларыт | биики-тиэкиһи уларытыы]

  1. Валюты стран мира, справочник, "Финансы", 1976.