Максимов Николай Иванович

Максимов Николай Иванович — Саха Өрөспүүбүлүкэтин култууратын үтүөлээх үлэһитэ, биллиилээх араадьыйа суруналыыһа, СӨ Суруналыыстыкаҕа судаарыстыбаннай бириэмийэтин лауреата (2009).

Олоҕун олуктара

• 1939 с. ахсынньы 19 күнүгэр Ньурба оройуонун I Бордоҥ нэһилиэгэр төрөөбүтэ.
• 1960 с. Сунтаар улууһун Шея орто оскуолатын бүтэрбитэ.
• 1960—63 сс. Советскай Армияҕа сулууспалаабыта.
• 1964—1965 сс. Саха драмтыйаатырын артыыһа.
• 1965—1969 сс. культура Илин-Сибиирдээҕи судаарыстыбаннай институтутар үөрэммитэ.
• 1971—80 сс. Саха ACCP культура министиэристибэтин искусство отделын старшай инспектора.
• 1976—1980 сс. Луначарскай аатынан театр искусствотын институтугар үөрэммитэ.
• 1980—1984 сс. Дьокуускайдааҕы судаарыстыбаннай филармония дириэктэрэ.
• 1984 сылтан «Саха» НКИХ араадьыйа биэриитин суруналыыһа.

«Олорбут олохпут туһунан санаа» диэн ыстатыйатыттан:

Сахалар улахан омук сабыдыалыгар олорон тускулбутун бэйэбит быһаарыммакка, үйэлэргэ муспут баай мындырбытын ыһыктан, сүрэхпит сөбүлүүрүнэн, өйбүт салайарынан дьаһаммакка кэлбит дьоммут. Россия хайа диэки хайыһар да ол хоту саппай уопсан, хайдах даллах гынар да ону тугу бэрсэринэн онон сеп буолан олордохпут. Ол оччоттон баччааҥҥа дылы кэтэһэ-манаһа, көрдөһ үҥэ-сүктэ үөрэммиппит. Тойоттор билиэхтэрэ, дьаһайыахтара, мин кыра киһибин, өйүм хоппот номоҕо биһиэхэ иҥмит. Бэйэбит, көҥүл дьон сиэринэн дьаһаныы суоҕа. Сүгүрүйэ, махтана үөрэммиппит эккэ-хааҥҥа иҥмит, оттон бэйэтин суолун соломмот норуот ыыра кыра татым, кылгас.

—