Бикипиэдьийэ:Күрэс:2020 сыл бастакы күрэһэ

🎄 Манна кыратык сүбэлэһэн баран кыайыы уонна өрөспүүбүлүкэ туһунан тиэмэлэри хаһааныахха дии санаатыбыт. Онон саҥа дьыллааҕы күрэспитин кыра-кыралыы номинацияларынан ыытыахха. Эрчиллэ таарыйа. Ханнык да тиэмэҕэ баайбакка.

Бикипиэдьийэҕэ:

1. Саҥа 2020 сылга аан бастаан бэлиэтэммит кыттааччы. Кыттааччы:Okytopolis, Тохсунньу 6  
2. Саҥа сылга сүүстэн итэҕэһэ суох тыллаах ыстатыйаны бастакынан суруйбут кыттааччы. Кыттааччы:Сивцева Ульяна: Органическай химия, Тохсунньу 10
3. Саҥа сылга бастакы 5 ыстатыйаны суруйбут кыттааччы (хас биирдиитэ 100 тылтан итэҕэһэ суох ыйааһыннаах уонна саатар биир сигэлээх буолуохтаах).
4. Саҥа сылга бастакы 10 ыстатыйаны суруйбут кыттааччы (хас биирдиитэ 100 тылтан итэҕэһэ суох, саатар биир сигэлээх).
5. Урут сигэтэ суох 25 ыстатыйаҕа бастакыннан саатар биирдии сигэни укпут кыттааччы.
6. Урут категорията суох турбут (сыппыт?😉) 10 ыстатыйаҕа категория укпут кыттааччы.
7. Бастакыннан 50 ыстатыйаны тупсарбыт (саатар туочука эбэн, таба суруйуу алҕаһын көннөрөн, эбэтэр тиийбэт информацияны эбэн) кыттааччы.

Биики Домоххо:

1. Саҥа 2020 сылга аан бастакы ыстатыйаны суруйбут кыттааччы: Кыттааччы:Этигэн, тохсунньу 6, Еремеев_Родион_Степанович
2. Саҥа сылга бастакы 5 ыстатыйаны суруйбут кыттааччы (хас биирдиитэ саатар биир сигэлээх буолуохтаах).
3. Саҥа сылга бастакы 10 ыстатыйаны суруйбут кыттааччы (хас биирдиитэ саатар биир сигэлээх).
4. Саҥа сылга бастакы 50 ыстатыйаны суруйбут кыттааччы (хас биирдиитэ саатар биир сигэлээх буолуохтаах).
5. Урут категорията суох турбут (сыппыт?😉) 10 ыстатыйаҕа категория укпут кыттааччы.
6. Бастакыннан 50 ыстатыйаны тупсарбыт (саатар туочука эбэн, таба суруйуу алҕаһын көннөрөн, эбэтэр тиийбэт информацияны эбэн) кыттааччы.

📌 Эбии быһаарыы:

Кыайыылааҕы быһаарар сороҕор уустуктаах буолааччы, онон бастакыннан уктубут, ханнык эрэ номинацияҕа кыайдыбыт диэбит дьон Бикипиэдьийэҕэ манна, Биики Домоххо эбэтэр тус бэйэбэр суруйаарыҥ! Кыайыылаах бэйэтин дьиҥнээх аатын кистиэн сөп, ол эрээри, сурукка киирбит аатын тэрийээччигэ (ол аата Халаҥҥа) этэрэ булгуччулаах.

✉ Тарҕатыы

Күрэс көхтөөх буоларын курдук, биллэриини бассаап-бөлөхтөрүнэн, түмэт-ситимнэринэн тарҕатар биһирэнэр.

🏆 Бириис

Бириискэ "Бичик" кыһата таһаарбыт тылдьыттара, дьэрэкээн өҥнөөх сыаналаах кинигэлэрэ туруохтара. Бирииһи бэйэҕит кэлэн ылаҕыт (эбэтэр дьону ыытан ыллараҕыт).

Аттар түстүлэр!! Ситиһиини! Кыайыыны!

Бикипиэдьийэ манна баар: https://sah.wikipedia.org/ Биики Домох манна баар: https://sah.wikiquote.org/

"Саха Биики" хамсааһын аатыттан, HalanTul (ырытыы) Дьокуускай, 2020, тохсунньу 6 күнэ, күнүс 12 чаас.