Хаайыыттан күрээhин

Хаайыыттан күрээhин
	; Prison Break season 4 intertitle
Жанра	Драма, Триллер
Оҥорооччу	Пол Шөриҥ
Оруолларга	4 сезоҥҥа:; Доминик Пөрселл; Уэнтуорт Миллер; Майкл Рапапорт; Амори Ноласко; Роберт Кнеппер; Дьоди Лин О'Киф; Сара Уэйн Кэллис; Уиллиам Фихтнер
Дойдута	АХШ
Тыл(лар)а	Ааҥл; Испан
Сезоннарын ахсаана	4
Эпизодтарын ахсаана	73 (List of episodes)
Оҥоруу
Толорор; оҥорооччу(лар)	Марти Эдельштейн (2005-); Нил Х. Моритц (2005-); Доун Олмстэд (2005-); Брэтт Рэтнер (2005-); Пол Шөриҥ (2005-); Мэтт Олмстэд (2005-); Кевин Хукс (2006-); Майкл Пэвон (2005)
Холбоhон толорор; оҥорооччу(лар)	Зак Эстрин (2005-); Ник Сантора (2005-); Майкл Уо. Уоткинс (2005); Стив Бирс (2005)
Салайар; оҥорооччу(лар)	Кэрин Ашер
Cүбэлиир; оҥорооччу(лар)	Марти Ноксон
Холбоhон оҥорооччу(лар)	Эллен Мэри Блам (2005-); Агата Эро Уоррен (2005-)
Сир(дэрэ)э	Чикаго, Иллинойс; Дьольет, Иллинойс; Даллас, Техас; Лос Андьелес, Калифорния
Cериятын уhуна	42 мүн.
Көрдөрүү
Ханаал	FOX
Көстүү формата	480i (SDTV); 720p (HDTV); 1080i (HDTV)
Аудио формата	Dolby Digital 5.1 Channels
Көрдөрүүтэ	Атырдьах ыйын 29, 2005 – билигин
Тас сигэлэр
Официал ситим сир
IMDb profile
TV.com summary

Хаайыыттан күрээhин (ааҥл. Prison Break) диэн Америка телесериала. 2005 с. атырдьах ыйын 25 к. Fox Broadcasting Company көрдөрөр, айааччыт Пол Шөриҥ. Сериал ис хоhооно сүрүннээн икки ини-биилэр тустарынан: биирэ, оҥорботох буруйун иhин сууттаан өлөрүүгэ анаммыт, иккиhэ, уhулуччу талааннаах инженер, убайын хаайыыттан күрэтэргэ уустук былаан оҥорон бэлэмниир. Сериал оҥорооччулара: Adelstein-Parouse Productions, Original Television уонна 20th Century Fox Television.

Оҥоhуллуута

Ис хоhооно

Prison Break төрүт ис хоhоонун — биир киhи, атын киhини (бу түгэҥҥэ — убайын) күрүүрүгэр көмөлөһөөрү, бэйэтэ анаан хаайыыга киирэр — Пол Шөриҥҥа Доун Парус көрдөрбүт. Шөриҥ бу концепцияны тута кэрэхсии көрбүтүн да иhин, бастаан хайдах гынан итинтэн сайдар кыахтаах ТВ-шоу оҥоруохха сөбүн туhунан муҥурдаабыт. Кини баттыгастаахтык буруйдаммыт убай уонна кистэлэҥ киксии туhунан кэпсээни толкуйдаабыт уонна характердары айары саҕалаабыт. 2003 с. бу санааны Fox Broadcasting Company көрдөрбүтүгэр, онно сериалы тэрийэргэ аhара уhун кэм наада диэн ылымматахтар. Атын ханаалларга көрдөрбүтүгэр эмиэ ылбатахтар, сериаллааҕар киинэ бырайыак оҥорбут ордук буолуо диэн хардарбыттар. Prison Break кэлин 14 чаастаах минисериал көрүллүбүт, ол Стивен Спилберг кэрэхсэбилин ыҥырбыт, War of the Worlds диэн киинэтин уhула көтөөрү сырыттаҕына. Онон, минисериал үөскээбэтэх. Lost уонна 24 диэн телесериаллар прайм таймҥа олус үрдүк рейтиҥнаммыттарын кэнниттэн, Fox Network сериалы оҥорууга 2004 с. төннүбүт. Пилот серията, Шөриҥ сценарийы суруйбутун кэнниттэн, биир сыл буолан баран тахсыбыта.

Уhулуу локациялара

Prison Break бастакы үс сезона Холлиууд таhыгар уhуллубуттара. Бастакы сезон улахан өттө Чикагоҕа уонна кини тула эргинигэр уhуллубута. 2002 с. сабыллыбыт Joliet хаайыы 2005 с. Fox River State Penitentiary диэн сериал хаайыытын локацията буолбута. Таhырдьааҥҥы сценалар Чикагоҕа, Вудстокка уонна Дьольекка уhуллубуттара. Атын локациялара: О'Хара омуктар икки ардыларынааҕы аэропорт (Чикаго) уонна Торонто, Онтарио (Канада). Prison Break Иллинойска уhуллуутугар 2005 с. $24 млн барбыт.

Иккис сезон (уhуллуута 15 бэс ыйыгар 2006 с. саҕаламмыта) Даллас (Техас куоракка уонна кини тула эргиннэригэр уhуллубута. Онно араас Америка куораттара үтүгүннүрүллүбүттэрэ. Бүтүннүүтэ Техас локацияларыгар $50 млн барбыт. Иккис сезон тиhэх үс эпизода, Панаманы үтүгүннэрэр гына, Пенсаколаҕа (Флорида) уhуллубут. Үһүc cезон Техаска уhуллубут уонна хас биирдии эпизод бюджета $3 млн буолбут. Төрдүс сезон Лос Андьелеска (Калифорния) уhуллар.

Музыката

Prison Break хас биирдии эпизодун музыкатын Рамин Дьауади суруйар. Дьауади уонна Фэрри Корстен Prison Break Theme (Ferry Corsten's Breakout Mix) диэн тема музыка ремиксын суруйбуттара, ону Fox Music 2006 с. релизтаабыт.