Korean Air

Бикипиэдьийэ диэн сиртэн ылыллыбыт

Korean Air (Кореан Эйр, Кэриэйэ авиа хампаанньата) — Соҕуруу Кэриэйэ уонна аан дойду бөдөҥ авиа хампаанньаларыттан биирдэстэрэ.

Korean Air аан дойду саамай бөдөҥ 20 авиа хампаанньаларыттан биирдэстэрэ. 45 дойду 128 куоратыгар көтөр. Дойду иһинэн 12 сиргэ көтөр. Сүрүн хаабтара Сеул икки аэропорда — Инчхон уонна Кимпхо. Korean Air штаб-квартирата Сеулга Кансогу оройуонугар баар[1] бөдөҥ филиаллара Чеджу аоэропорка уонна Пусааннааҕы Кимхэ аэропорка бааллар.[2]

SkyTeam альянс төрүттээччи хампаанньалартан биирдэстэрэ. 2018 сыллаахха Кэриэйэҕэ буолар XXIII Пхенчан Олимпия оонньууларын официальнай спонсора буолбута.

Устуоруйата[уларыт | биики-тиэкиһи уларытыы]

Airbus A380 — Korean Air Lines бастакы A380 сөмүлүөтү тутар, 2011 с., ыам ыйа

Korean Air хампаанньаны 1962 сыллаахха Соҕуруу Кэриэйэ бырабыыталыстыбата 1948 сыллаахха тэриллибит Korean National Airlines хампаанньа оннугар тэрийбитэ.

1984 сыл кулун тутар 1 күнүгэр авиа хампаанньа аатын Korean Air Lines диэнтэн Korean Air диэҥҥэ уларыппыта. Соҕуруу Кэриэйэ былааҕа («Тхэгыкки») истииллэх ливрея киллэриллибитэ: үрүҥ көмүстээх халлаан күөҕэ. Бу ливреяны Korean Air Boeing корпорацияны кытта оҥорбута уонна аан бастаан Fokker F28 сөмүлүөттэргэ туттубута.

2007 сыл кулун тутарыгар Korean Air хампаанньаҕа 16 623 киһи үлэлиир этэ.[2] Ол сыл бэс ыйын 5 күнүгэр хампаанньа бэйэтин иһинэн чэпчэки сыананы тутуһар Jin Air хампаанньаны тэрийбитэ. Бу саҥа хампаанньа «Korea Train Express» тимир суол хампаанньатын кытта күрэстэһэр соруктаах. Саҥа лоу-костер Сеул уонна Чеджу ыккардыларыгар көтөн 2008 сыл от ыйын 17 күнүгэр үлэтин саҕалаабыта. Korean Air салалтата этэринэн «оҕо» хампаанньаҕа эбии Boeing 737 уонна Airbus A300 сөмүлүөттэр бэриллиэхтээхтэр.

  1. «Company Info / OverviewKorean Air
  2. 2,0 2,1 "Directory: World Airlines". Flight International: p. 102. 2007-04-03.