ITunes Store

Бикипиэдьийэ диэн сиртэн ылыллыбыт

Халыып:Infobox online music service

iTunes Store — Apple хампаанньаттан ырыалары, видеоны уонна араас оонььулары атыылыыр онлайн-маҕаһыын. Хампаанньа оҥорбут тэриллэригэр оонньонуллуон сөп.

Маҕаһыын презентацията 2003 сыл муус устар 28 күнүгэр ааспыта, онно хампааньа тойоно Стив Джобс сүрэхтээбитэ.

Историята[уларыт]

iPod плеер атыыта үчүгэйдик барарын иһиттэн Apple хампаанньа музыканы атыылылыыр бэйэтин маҕаһыынын арыйарга бэлэмнээбитэ. 2003 сыл муус устар 28 күнүгэр Сан-Франциско куоратыгар iTunes Store маҕаһыыны көрдөрбүтэ. Ол иннинэ уһун бириэмэ устатыгар музыка индустриятын гиганнарын кытары дуогабардаспыта. Маҕаһыыҥҥа ырыалар альбомунан буолбакка ырыаларынан атыыланарга модьуһан ситиспитэ. Оннук ньыма ырыаны суруйар хампаанньаларга наһаа сөбүлээбэтэхтэрэ, тоҕо диэн дьон икки-үс ырыаны истиэхтэрин баҕараннар бүтүн альбому атыылаһаллар. Ол гынан баран Стив Джобс ону : "пиратство уонна интернет альбом идеятын суох оҥорбуттар. Пиратствоны кытары биирдии ырыаны атыылаабатахха охсуһар кыах суох диэн" утарсыбыта. Джобс iTunes маҕаһыын пока Mac компьютер туһанааччылара эрэ атыылаһар кыахтаныахтара диэн эрэннэрбитэ, онтуката рыноктан 5% эрэ этэ. Музыкальнай хампаанньалар маннык кутталлаах хардыыны оҥорорго быһаарбыттар, тоҕо диэн пиратствоттан сүтэр харчы улааттар улаатан эрэр эбит.

Биһиги 80% ырыалары уарар дьоннор бэйэлэрин санааларынан уораллар дии санаабаппыт - кинилэргэ талыы суох. Ол иһин биһиги легальнай альтернатива оҥорорго быһаарбыппыт. Оччоҕуна бары сүүйүөхтэрэ - ырыаны суруйар хампаанньалар, ырыаһыттар, Apple, уонна туттар дьон эмиэ - тоҕо диэн кинилэр туйгуй сервиһы ылыахтара, ол сервис уорартан быыһыыр

Стив Джобс

iTunes Store салайаччыта Эдди Кью маҕаһыын арыллыан иннинэ биир мөлүҋүөнү 6 ый устата атыылыахпыт диэн билгэлээбит, ол гынан баран 6 күн устата биир мөлүйүөн ырыаны атыылаабытттар. Apple хампаанньата чуолкайдык саҥа рынокка киирбит, уонна 2011 сыллахха номнуо 15 миллиардтааҕы ырыаны атыылабыттар. Билигин маҕаһыын нөҥүө киинэлэр, телепередачалар, кинигэлэр, уонна да атын медиаконтент атыыланар. Конкуреннар майгынныр сервистары оҥорбуттара ситиһиитэ суох үлэлии сылдьаллар.

Маҕаһыын туһунан[уларыт]

  • iTunes Store Apple хампаанньа киэнэ буолар. iTunes браузер оболочкатыттан эбэтэр iPod, iPad, iPhone программаларыттан киириэххэ сөп.
  • iTunes Store маҕаһыына подкасттар олус улахан директориятынан буолар.
  • 2006 сыл балаҕан ыйын 12 күнүгэр дылы iTunes Music Store эбэтэр iTMS диэн ааттанар этэ.


iTunes Россияҕа[уларыт]

2012 сыл ахсынньы ыйыттан iTunes store Россияҕа үлэтин саҕалаабыта. Бастакы күнүгэр араас Россияҕа оҥоһуллубут контена баарынан сөхтөппүтэ.