DOSBox

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

DOSBox — эргэ DOS (дисковай операционнай систиэмэ) эмулятора. Билиҥҥи көмпүүтэрдэргэ сыыһатык эбэтэр ончу үлэлээбэт оонньуулары сүүрдэргэ туттуллар. Эмулятор аһаҕас куодтаах буолан Linux, FreeBSD, Windows, Mac OS X, iOS, OS/2, BeOS, KolibriOS, Symbian OS, Android операционнай систиэмэлэргэ баар. Бүтэһик версията — 0.74, 2010 сыл бэс ыйын 12 күнүгэр тахсыбыт. Босхо программа, GNU GPL лицензияннан тарҕанар. Суруллубут программируйдуур тыла — C уонна C++.

Кыаҕа[уларыт | биики-тиэкиһи уларытыы]

DOSBox
  • DOSBox быстахтык MS-DOS систиэмэни, BIOS тохтобул вектордарын уонна IBM PC аппараат чааһын эмуляциялыыр. Онно дьиҥнээх x86-процессор даҕына, оригинааль MS-DOS копията даҕына наадата суох.
  • i386 процессор хамаандатын нобуордаах процессорга инструкция динамиик трансляцията туттуллар.
  • x86ʼны кытары сөп түбэспэппэт процессордарга бүтүн эмуляция буолар. Онтон сылтаан эмулятор күүскэ бытаарар.
  • Билэ систиэмэ бүтүн эмуляцията — һост-систиэмэ борустуой паапкатын ыалдьыт-систиэмэ дискатын курдук баайыахха син.
  • Графика эмуляцията — текст режима, Hercules, CGA, EGA, VGA, VESA уонна S3 Trio 64 бүтүн эмуляцията.
  • Тыас эмуляция — Adlib, PC Speaker, Tandy, Sound Blaster, Game Blaster, Disney Soundsource, Gravis Ultrasound, MPU-401 уонна Innovation SSI-2001.
  • Илим эмуляция — TCP/IP протокуолунан модем эмуляцията, IPX илим туннелиҥа.
  • 0.70 версияҕа 876 оонньуу бүтүннүү, тыраабыла суох үлэлиир.[1]

Туруоруу[уларыт | биики-тиэкиһи уларытыы]

Эмуляцияланар систиэмэ түргэнэ көмпүүтэртэн уонна специааль файлга суруллар туруоруулартан тутулуктаах. Хамаандалартан DOSBoxʼка COMMAND.COM интерпретатор сорох хамаандалара үлэлиир. Ол быыһыгар Z: диискаҕа сорох специааль .COM-программалар бааллар:

  • MOUNT — локааль директориялары уонна CD-ROM дьиҥнээх диска курдук баайыы;
  • MEM — босхо өйүл хас хаалбытын көрдөрөр;
  • CONFIG — туруорууну билэҕэ харыстабыл;
  • LOADFIX — баар өйүлү аҕыйатыы (дьиҥ былыргы өлбөх өйүлүнэн туттубат программаларга аналлаах);
  • IMGMOUNTCD-ROM диска ойуутун баайыы;
  • BOOT — диска ойуутун сүүрдүү (атын ОС'ы сүүрдэр кыах, холобур Windows 95);
  • IPX хамаандалара — IPX-илими туруоруу уонна үлэлэтии.

Тыраабыллар[уларыт | биики-тиэкиһи уларытыы]

  • Бары атын эмулятордар курдук DOSBox быдан күүстээх көмпүүтэргэ (ураты ордук процессорга) наадыйар.
  • Көмүскэммит режим үлэтэ өссө даҕына мөлтөхтүк үлэлиир, ол иһин маннык эрэ режимҥа үлэлиир оонньуулар (1995 сыл кэнниттэн оҥоһуллубут оонньуулар өлбөх аҥаара) сыыһатык үлэлииллэр.
  • LPT-порт эмуляцията суох, ол иһин LPT-күлүүстээх программалар үлэлээбэттэр.
  • MS-DOS уонна PC аппаратуурата бүтүннүү эмуляцияламаттар, ол иһин Windows 95 эбэтэр Windows 98 ыарарҕатан DOSBoxʼка үлэлииллэр.

Сигэлэр[уларыт | биики-тиэкиһи уларытыы]

DOSBox.com

  1. Оонньуулар испииһэктэрэ (ааҥл.)