Өлөөн (өрүс)

Бикипиэдьийэ диэн сиртэн ылыллыбыт
Өлөөн орто сүүрүгэ куйаартан
Өлөөн өрүс көстүүтэ

Өлөөн өрүс. Уһуна 2292 км. Тардыытын иэнэ 220000 кв.км. Баһа Красноярскай кыраайга сытар кыра күөлгэ баар.

Букочаан томтороот аттынан устар. Баһын диэкки кыараҕас хочолоох, элбэх таас харгылаах.

Ортоку сүүрүгэр хочото кэҥиир. Аллараа сүүрүгэр Кыстык хаптал хайалаах сири быһа охсон ааһар.

Хаҥас өртүттэн Буур өрүһү ылан баран Хотугу Сибиир намтал сиринэн Чекановскай томтороот аттынан сүүрэр.

Лаптевтар байҕалларыгар Өлөөн хомотугар түһэр. Дельтата 475 кв. км. иэннээх.

Хаар уута уонна сир аннынааҕы уу. Халаан уута бэс ыйыттан атырдьах ыйыгар диэри салҕанар.

Төрдүн диэкки уу ороскуота сөкүүндэҕэ 1210 куб. м. тиийэр. Сорох сылларга өрүс түгэҕэр дылы тоҥор.

Тардыытыгар 25000 өрүс уонна үрэх баар, уопсай уһуннара 104800 км.

Сүрүн салаалара: хаҥас өртүттэн Буур, Биирэктэ, Арҕаа Салаа; уҥа өртүттэн Силигир.

Аал сырыыта төрдүттэн 920 км.

Элбэх балыктаах: уомул, муксуун, бил, тууччах.


Ылыллыбыт сирэ[уларыт]

Якутская АССР, словарь-справочник, Якутск, 1980 г.