Үрүмэ (ас-үөл)

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Үрүмэ - былыргы сахаларга күндү үрүҥ ас көрүҥэ.

Оҥоһуллуута олус бытаан, сыралаах буолан элбэхтэ астаабаттар эбит. Ыһыахха, уруу малааһыныгар күндүргэтэн бэлэмнииллэр.

Тус-туспа улуустарга астыыр ньымалара уратылаах. Бүлүү эҥэргэ чарча үрүмэ диэни маннык астыыллар диэн суруйар Е.Ф. Кузьмина: "Үүтү мөлтөх уокка чугуун хобордооххо оргуталлар. Күүгэнин холбуйан ылаллар. Кытыыга тардан сойуталлар. Үүт сойдоҕуна үрдүгэр бүрүөһүн үөскүүр. Ити бүрүөһүнү сэрэнэн хастаан ылан, күн уотугар тэниччи быраҕан хатараллар. Үлтү бара сылдьар гына наһаа хатарбаттар. Сорохтор үрдүгэр суорат сүүмэҕин тарҕата куталлар, оччоҕо хаппытын да иһин сүүмэх сиигиттэн уонна халыҥ буолан үлтү бара сылдьбыта. Маннык бэлэмнэммит үрүмэни кэһии, өйүө оҥостоллор. Көбүөргэ булкуйан эмиэ сииллэр.[1].

Көрүҥнэрэ[уларыт | биики-тиэкиһи уларытыы]

  1. Харта үрүмэ
  2. Сүнньүөх үрүмэ
  3. Бурдуктаах үрүмэ
  4. Баҕарах үрүмэ

Быһаарыылар[уларыт | биики-тиэкиһи уларытыы]

  1. Саха төрүт аһа-үөлэ. Е.Ф.Кузьмина. Дь., Бичик, 2006