Ырытыы:MyTona

Бырааттыы Алексей, Афанасий Ушницкайдар

Алексей, Афанасий Ушницкайдар – Саха Өрөспүүбүлүкэтигэр саамай ситиһиилээх IT-бырайыагы – «Майтона” хампаанньаны төрүттээччилэр. Олохторун уонна айар үлэлэрин туһунан Алексей, Афанасий Ушницкайдар – игирэлэр. Кинилэр 1985 сыллаахха Муома оройуонун Хонуу[1] сэлиэнньэтигэр күн сирин көрбүттэрэ. Оскуола кэнниттэн бырааттыыллар иккиэн Дьокуускайдааҕы экономико-правовой институкка үөрэммиттэрэ. Үөрэхтэрин төлөһөөрү үлэлээбиттэрэ: Афанасий күнүс өттүгэр телефон атыылыыра, Алексей программалары туруорара уонна компьютер өрөмүөннүүрэ. Онтон иккиэн автомойкаҕа үлэлээбиттэрэ. Хас да ый буолан баран Алексей өрөспүүбүлүкэтээҕи халлыаска системнай администраторынан үлэлии киирбитэ. 2003 сыллаахха Алексей "ЭПЛ Даймонд" фирмаҕа компьютеры өрөмүөннээччинэн үлэлээбитэ. Сотору кэминэн бырабылыанньа бэрэссэдээтэлэ Петр Степанович Федоров өйөбүлүнэн бырааттыылар 1,5 мөл. бюджеттаах үлэни тэриммиттэрэ: эбии икки дизайнеры ылбыттара, офис арендаласпыттара. 2004 сыллаахха "Уолан Боотур" диэн оонньууну оҥорон куорат маҕаһыыннарыгар атыыга таһаарбыттара да, оонньуулара барбатаҕа. 2005 сыллаахха бырааттыылар иэскэ киирэн туран компьютер ылыммыттара. Икки ый иһигэр головоломкалаах Boxy Goxy бастакы казуальнай оонньууларын оҥорбуттара. Кинилэр sulusgames.com домены атыылаһан сайт оҥорон таһаарбыттара. Ол курдук, Sulus Games хампаанньа баар буолбута. 2007 сыл сайыныгар Ушницкайдар Сан-Францискоҕа Casual Connect конференцияҕа кыттыбыттара. 2008 сыллаахха Freeze Tag хампаанньа сүбэтинэн Boxy Goxy оонньууну тупсаран Xango Tango оонньууну оҥорон биэрбиттэрэ. 2012 сыллаахха MyTona диэн саҥа хампаанньаны тэриммиттэрэ. Эмиэ ити сыл мобильнай тэриллэргэ аналлаах The Secret Society[2] бастакы оонньууларын таһаарбыттара. Саамай кэнники тахсыбыт Seeker Notes[3] оонньуулара эмиэ 50 ахсаан иһигэр сылдьар, 46 миэстэҕэ тахса сылдьыбыт түгэннээх. Оонньууну атыыга таһаарарга уонна батарарга анаан хампаанньа Сан-Францискоҕа уонна Сингапурга офистардаах. MyTona хампаанньа билигин Азия ырыынагар инники миэстэҕэ тахсар сыаллаах үлэлиир. Оҥорбут оонньуулара

• Уолан Боотур

• Boxy Goxy

• Xango Tango

• Gems Quest

• "Ювелирмания"

• Strange Cases

• The Secret Society

• Seeker Notes