Ырытыы:Герасимов гавриил михайлович

Олоҕо

Гавриил Михайлович Герасимов 1935 сыллаахха атырдьах ыйын 4 күнүгэр Арҕаа Хаҥалас оройуонун Хачыкаат нэһилиэгэр төрөөбүтэ.

Гавриил Михайлович РСФСР норуотун үөрэириитин туйгуна, учууталлар учууталлара, Ханалас улууһун уонна Хачыкаат нэһилиэгин бочуоттаах олохтооҕо, Саха НВК Н.А. Кондаков аатынан бириэмийэтин лауреата, суруйааччылар И.П. Никифоров уонна С.П. Ефремов журналистскай бириэмийэлэрин лауреаттара, краевед олоҕун 50-ча сылын оскуолаҕа ыччаты үөрэтиигэ анаата. 1958 сыллаахха Дьокуускайдааҕы музыкальнай-художественнай училищены бүтэриэҕиттэн Өлүөхүмэ, Орто Халыма, Ньурба улуустарын оскуолаларыгар бастаан черчение, уруһуй, онтон 1971 сыллаахха СГУ Саха тылын салаатын кэтэхтэн үөрэнэн бүтэриэҕиттэн саха тылын уонна литературатын учууталынан үлэлээбитэ. Сүрүн үлэтин таһынан, ордук 1970-с сыллартан улуус, республика хаһыаттарыгар, сурунаалларыгар балайда элбэх корреспонденциялары, ыстатыйалары бэчээттэтэр. Кини нэһилиэгин, улууһун историятын, биллиилээх дьоннорун тустарынан сөбүлээн суруйар.
Гавриил Михайлович Герасимов биир дойдулааҕа, предприниматель, меценат С.П. Барашков аатын тилиннэриигэ ураты үтүөлээх. Өр сылларга сыралаһан хомуйбут, чөкөппүт матырыйаалларыгар олоҕуран хас да тэттик кинигэлэри бэчээттэттэ. С.П. Барашков аатынан Хачыкаат орто оскуолатын музейыгар көмөлөҺөр, үөрэнээччилэргэ краеведческай тиэмэлэргэ иҺитиннэрии, дакылаат онороллоругар сүбэ-ама уолар, сэдэх матырыйаалларынан, литературанан хааччыйар.
Г.М. Герасимов олохтоох сельскэй библиотека биир актыыбынай ааҕааччыта, библиотека ыытар тэрээҺиннэригэр актыыбынай көмөлөҺөөччүбүт.
ХаҺыаттарга, сурунаалларга бэчээттэппит матырыйаалларын түмэн кинигэ оҥорор баҕалаах.
Ытыктабыллаах Гавриил МихайловиҺы, оҕо-уруу тапталлаах учууталын, педагогическай үлэ ветеранын, Саха Республикатын учууталларын V съеҺин делегатын, нэҺилиэккэ “сир түннүгүн”, улууска, республикаҕа биллэр хаҺыат корреспонденын, дьаныардаах үлэтинэн ааспыты, буолбуту үйэтитээччи, кырдьык өрөгөйдүүрүн туҺугар туруулаҺааччы быҺыытынан биҺиги үрдүктүк сыаналыыбыт Архипова Светлана, Хачыкаат сельскэй библиотекатын сэбиэдиссэйэ.