Ыарҕа татыйыга
Тас көстүүтэ
![](http://upload.wikimedia.org/wikipedia/sah/thumb/5/54/%D0%9E%D0%B2%D1%81%D1%8F%D0%BD%D0%BA%D0%B0-%D0%BA%D1%80%D0%BE%D1%88%D0%BA%D0%B0.jpeg/300px-%D0%9E%D0%B2%D1%81%D1%8F%D0%BD%D0%BA%D0%B0-%D0%BA%D1%80%D0%BE%D1%88%D0%BA%D0%B0.jpeg)
![](http://upload.wikimedia.org/wikipedia/commons/thumb/f/fc/Emberiza_pusilla_MHNT.ZOO.2010.11.218.jpg/220px-Emberiza_pusilla_MHNT.ZOO.2010.11.218.jpg)
Ыарҕа татыйыга (лат. Emberiza pussilla, нууч. овсянка крошка) — Саха сиригэр барытыгар кэриэтэ баар чыычаах, хоту элбэхтик, соҕуруу сэдэхтик көстөр. Төбөтө кытархай, хараҕын үрдэ хара сурааһыннаах. Көхсө бороҥ. Атыыра уонна тыһыта улахан уратылара суох. Атыырын кынатын уһуна 68-76 мм, ыйааһына 13-18 г. Тыһыта — 64-70 мм, 12-17 г.
Сэппэрээктэргэ баар буолар. Ыам ыйын иккис аҥаарыгар соҕурууттан кэлэр. Балаҕан ыйыгар төннөр. Сайын үөннэринэн аһылыктанар. Уйатын сиргэ оттон, кылтан, кыыл түүтүттэн туттар. Бэс ыйын саҥатыгар 4-6 кытархай бээтинлэрдээх бороҥ сымыыттары уурар. Тыһыта да атыыра да баттыыллар, 11-13 суукка. Оҕото уйатыгар 11-12 суукка хаалар. Иккиэн аһаталлар.
Туһаныллыбыт сирэ
[уларыт | биики-тиэкиһи уларытыы]- Знаете ли вы птиц Якутии, Б. И. Сидоров, Бичик, 1999, ISBN 5-7696-0956-7